209. fundur skipulagsnefndar Eyjafjarðarsveitar
haldinn í fundarstofu 2, Skólatröð 9, fimmtudaginn 17. október 2013 og hófst hann kl. 17:00.
Fundinn sátu:
Elmar Sigurgeirsson, Sigurður Eiríksson, Emilía Baldursdóttir, Jón Stefánsson, Anna Guðmundsdóttir varamaður og Jónas
Vigfússon.
Fundargerð ritaði: Jónas Vigfússon, skipulagsfulltrúi.
Dagskrá:
1. 1101011 - Stígur milli Hrafnagilshverfis og Akureyrar
Gunnar H. Guðmundsson umdæmisstjóri Vegagerðarinnar á Akureyri kom á fundinn undir umræðum um þennan lið.
Vegagerðin mun skila af sér umsögn um fyrirliggjandi tillögur.
2. 1308011 - Brúnahlíð 1 - beiðni um leyfi fyrir geymslugámi
Eigendur Brúnahlíðar 1 óska eftir leyfi til að setja niður 20 feta gám á lóð sína. Erindið fór í
grenndarkynningu og engin mótmæli bárust.
Skipulagsnefnd samþykkir erindið fyrir sitt leyti, en mannvirkið þarf samþykki byggingarnefndar.
3. 1003033 - Kaupangsbakkar - leyfi til efnistöku
Hestamannafélagið Léttir óskar eftir framlengingu á framkvæmdaleyfi vegna efnistöku til eigin nota fyrir landi Kaupangsbakka.
Erindið samþykkt en efnið verði einungis notað til viðhalds reiðvegar og gerðis á Kaupangsbökkum og tekið fyrir landi hestamannafélagsins.
Framkvæmdatíminn sé frá 1. nóvember n.k. til 30. apríl 2014.
4. 1310006 - Ytri-Tjarnir - Umsókn um lóð fyrir sumarbústað
Kristján Baldursson óskar eftir að stofnuð verði lóð utan um sumarbústað í landi Ytri-Tjarna í samræmi við
uppdrátt frá Búgarði dags. 12.9.2013.
Erindið samþykkt.
5. 1310009 - Litli-Hvammur; viðbygging
Grétar Sigurbergsson óskar eftir heimild til að byggja við íbúðarhúsið í Litla-Hammi auk bílgeymslu.
Erindið samþykkt í samræmi við 1.tl. 57. gr. skipulagslaga.
6. 1310008 - Svarta húsið við Jólagarðinn
Benedikt Grétarsson óskar eftir heimild til að byggja verslunarhús og gera nýtt bílastæði við Jólagarðinn.
ákveðið að setja erindið í grenndarkynningu og óska umsagnar Vegagerðarinnar.
7. 0908016 - Laugafell - Umsókn um leyfi til að byggja hús suður af Eyjafjarðardrögum
Félag vélsleðamanna (EY-LíV) kt. 500196-3789 sækir um framlengingu á leyfi til að byggja hús í Laugafelli allt að 60 m² að
stærð.
Skipulagsnefnd samþykkir að úthluta félaginu byggingarreit B6 samkvæmt deiliskipulagi, enda uppfylli félagið skilyrði deiliskipulagsins og
forsætisráðuneytis sem fram koma í bréfi, dags. 16. febrúar 2010. Skipulagsnefnd samþykkir að framlengja leyfið þannig að
framkvæmdir hefjist innan tveggja ára og byggingartíminn verði ekki lengri en tvö ár.
8. 1308001 - Ytri-Varðgjá - frístundahús
Borist hefur svar frá Svalbarðsstrandarhreppi, sem leggst gegn aðkomu að húsinu.
þar sem ekki hefur tekist að finna heppilega aðkomu að húsinu og erfitt er að uppfylla gildandi fjarlægðarmörk í aðalskipulagi getur
skipulagsnefnd ekki orðið við erindinu.
Emilía fór af fundi eftir umræður við 7. lið dagskrár.
Fleira ekki gert. Fundi slitið kl. 18:55
