145. fundur menningarmálanefndar Eyjafjarðarsveitar
haldinn í fundarstofu 2, Skólatröð 9, fimmtudaginn 20. september 2012 og hófst hann kl. 20:00.
Fundinn sátu:
Bryndís Símonardóttir formaður, Benjamín Baldursson aðalmaður, Samúel Jóhannsson aðalmaður, Leifur Guðmundsson aðalmaður og
Jónas Vigfússon sveitarstjóri.
Fundargerð ritaði: Benjamín Baldursson.
Gunnar Jónsson frá Villingadal mætti á fundinn til umræðu um fundarliði nr. 1 og 7
Dagskrá:
1. 1104013 - Söfnun menningarminja
Gunnar Jónsson frá Villingadal kom á fundinn og kynnti heimildasöfnun og söguritun sína úr Eyjafjarðarsveit. ákveðið var að
halda fund 10. október n.k. og kanna þar áhuga íbúa sveitarinnar á aðkomu eða þátttöku í söfnuninni.
Framsögumaður verður Gunnar Jónsson. þá verða þar einnig fulltrúar frá Búnaðarsögusafni og Minjasafninu á
Akureyri.
Nefdin telur brýnt að vinna að menningarstefnu Eyjafjarðarsveitar. Gunnar Jónsson, gestur fundarins, lagði fram vinnuplagg um margvísleg atriði sem gætu
verið grunnur að stefnu í menningarmálum Eyjafjarðarsveitar.
2. 1209019 - Hvar á ég heima? - sýningarröð í Eyjafirði
Nefndin stakk upp á nöfnum nokkurra aðila sem gætu komið að sýningarröðinni og formanni falið að ræða við
fólkið.
3. 1009024 - Stefnumótun fyrir félagsheimilin
Formanni nefndarinnar falið að vinna upp drög að stefnumótun út frá tillögum sem fram komu á hugarflugsfundi sl. vor.
4. 1209020 - Eyvindur 2012
Ritnefndin er að hefja störf á næstunni.
5. 1209021 - 1. des. hátíð 2012
Skemmtanahópur Menningarmálanefndar tekur að sér að skipuleggja dagskrá fyrir 1. des.
6. 1209022 - Merking eyðibýla
á næstu fjárhagsáætlun verður sótt um fjármagn til merkinga eyðibýla.
7. 1206017 - Stefnumótun í menningarmálum fyrir sveitarfélög á starfssvæði
Eyþings
Bréf hefur borist frá Menningarráði Eyþings þar sem varpað er fram nokkrum spurningum um stefnu sveitarfélagsins í menningarmálum.
Formanni er falið að svara bréfinu.
8. 1209024 - Styrkbeiðni vegna strengjamóts
ákveðið var að styrkja hvern nemanda um kr.18.000.
Fleira ekki gert. Fundi slitið kl. 23:15
