Auglýsingablaðið

Til allra Samherja

Senn líður að Handverkshátíðinni sem haldin verður dagana 6.-9. ágúst. á síðasta ári tóku félagasamtök í sveitinni að sér framkvæmd einstakra þátta hátíðarinnar undir yfirstjórn framkvæmdastjórans Dórótheu Jónsdóttur og sá umf. Samherjar um veitingasöluna.  í ár verður sami háttur hafður á og mikilvægt að vel takist til þar sem þetta er helsta fjáröflun félagsins. þeim fjármunum sem falla til verður varið til barna- og unglingastarfs, greiðslu fyrir þjálfun, leigu á mannvirkjum og uppbyggingar á íþróttasvæðinu.
í fyrra ríkti mikill einhugur um framkvæmdina og lögðu margir verkefninu lið, ýmist með vinnuframlagi eða lögðu til hráefni í veitingar.  Skemmtileg stemning skapaðist þar sem tugir fullorðinna og barna tók höndum saman og má segja að hinn sanni ungmennafélagsandi hafi svifið yfir svæðinu.
óskin er sú að allir sem hug hafa á að leggja verkefninu lið gefi sig fram. Baka þarf m.a. soðið brauð, flatbrauð, kleinur, skúffuköku og gulrótarköku. þörf er á mannskap í bakstur og undirbúning í eldhúsi mötuneytis Hrafnagilsskóla nokkur kvöld í júlí, vinnu í eldhúsi meðan á hátíðinni stendur, vinnu í veitingasölu á hátíðinni, vinnu við undirbúning og frágang ásamt fleiru sem fellur til.  Reynt verður að dreifa vinnuálagi og skipta hópnum niður á vaktir til að forðast að of stór hluti framkvæmdarinnar hvíli á herðum fárra manna. Búið er að skipa verkstjóra fyrir veitingasöluna, þær ástu Pétursdóttur og Gunni ýri Stefánsdóttur og verkstjórn í eldhúsi hafa þær Kristín Hermannsdóttir og Ragnheiður Gunnbjörnsdóttir. Reiknað er með að þurfa að lágmarki:
-    15 fullorðna í eldhús
-    20 fullorðna í veitingasölu
-    30-40 börn í veitingasölu, í dyravörslu, sendiferðir, til að halda svæðinu snyrtilegu o.fl.
þörf er á allri aðstoð sem mögulegt er að fá og eru bæði börn innan vébanda Samherja, foreldrar, fullorðnir sem æfa og aðrir velunnarar hvattir til að leggja sitt af mörkum.

þið sem viljið leggja ykkar af mörkum eruð vinsamlegast beðin um senda okkur línu á netfangið umf.samherjar@gmail.com eða hringja í síma 862 8754 (Karl).

Með bestu kveðjum,  stjórn Samherja.

Sumardagur á sveitamarkaði
alla sunnudaga í sumar frá 11. júlí til 15. ágúst
Markaðurinn er opinn öllum sem vilja taka þátt í að skapa skemmtilegan markaðsdag og koma varningi sínum á framfæri. Varningurinn sem boðinn er skal vera heimaunninn og/eða falla vel að umhverfinu þ.e. gróðrinum og sveitalífinu. Markaðurinn er á torgi Gömlu Garðyrkjustöðvarinnar  og opnar kl. 11.
áhugasamir söluaðilar hafi samband við markaðsstjórn í síma 857 3700 (Margrét) eða sendi tölvupóst á sveitamarkadur@live.com

KONUR TAKIð EFTIR

ég heilsa sem hátignum gesti
Hverjum sem vill fara á hesti
En viljirðu njóta,
án reiðskjóta,
skaltu bara þjóta.

Eins og oft áður
er Hulda hæstráður
svo ef þú vilt fara
þá skaltu bara
fá hana til að svara.

JæJA STELPUR, GASELLUR SEM OG ALLAR AðRAR SEM ERU ORðNAR 18 áRA OG HAFA áHUGA á Að FARA í AFSLöPPUNARFERð í SöRLASTAðI 20. JúLí (FRá MELGERðISMELUM 19.) HAFIð SAMBAND VIð HULDU FYRIR 15. JúLí í SíMA: 866-9420

----

átak við eyðingu kerfils
Nú erum við á þriðja ári átaksverkefnis við eyðingu skógarkerfils hér í sveit. Reynslan hefur sýnt að til að vinna bug á kerflinum þurfi að aleitra þannig að annar gróður drepst á því svæði sem eitrað er. Með þeim hætti deyr kerfillinn, en fræin lifa í jörðinni og því þarf að fylgja eftir með eitrun þar til seinasta plantan fellur.
Búið er að gera verulegt átak með vegum og á ýmsum jörðum, en aðrar jarðir eru eftir. Kerfillinn er illgresi sem engu eirir og því þarf að reyna að hefta útbreiðslu hans og skilja ekki eftir uppeldisstöðvar óáreittar.
það hefur því orðið að ráði að eitra fyrir kerfli alls staðar í sveitarfélaginu nú í ár. Verktaki við verkið er Grettir Hjörleifsson í Vökulandi og mun hann hafa samband við landeigendur. Landeigendur eru hvattir til að taka þátt í átakinu með því að leggja til vinnuafl eða fjármuni og leyfa eitrunina í sínu landi. Vinsamlegast komið ábendingum á framfæri og ræðið nánari útfærslu við Gretti í síma 861 1361.
Umhverfisnefnd.

Gámar
Gámar fyrir brotajárn og timbur verða staðsettir við þverá  til mánudagsins 20. júlí.
Skrifstofa Eyjafjarðarsveitar.

----

íslenski safnadagurinn

Sumarstarfsdagur í Laufási   Sunnudaginn 11. júlí kl 13:30-16
Upplifðu lífið eins og það var á 19. öld í burstabæ í Gamla bænum Laufási við Eyjafjörð á íslenska safnadaginn, sunnudaginn 11. júlí. Dagskráin hefst í kirkjunni kl 13:30 þar sem sr. Bolli Pétur Bollason stýrir fjölskyldusamveru. Laufáshópurinn mun nálgast fortíðina á aðeins annan hátt í Gamla bænum en áður hefur verið gert þennan dag.  Lummuilmur mun fylla vit gesta á staðnu. Heyskapur verður í fullum gangi á hlaðinu og glímukappar munu takast þar á innan um heyskaparfólkið.

Sýning á leikföngum Guðbjargar Ringsted verður opnuð í Friðbjarnarhúsi á íslenska safnadaginn, sunnudaginn 11. júlí, kl 14.
Leikföngin eru frá síðustu öld og því enginn vafi á því að mömmur, pabbar, afar, ömmur, frænkur og frændur geta séð ýmislegt sem þau kannast við frá því þau voru börn og geta rifjað upp góðar æskuminningar með börnum sínum, systkinum, foreldrum, frænkum og frændum.
Minjasafnið