Frestur til að skila inn framboðslistum vegna sveitarstjórnarkosninga
Frestur til að skila inn framboðslistum rennur út kl. 12 á hádegi 8. maí n.k., en kosningarnar verða haldnar laugardaginn 29. maí.
Kjörstjórnin ætlar að vera á skrifstofu Eyjafjarðarsveitar kl 10-12 laugardaginn 8. maí til að taka við listum. Um frágang framboðslista og
fylgigagna og ýmislegt sem varðar kosningarnar vísast til kosningavefs Dóms- og mannréttinda-ráðuneytisins
www.kosning.is , en þar verður jafnframt hægt að fylgjast með úrslitum
kosninga. Kjörstjórn.
Félagsborg
Minnt er á nýja fundaraðstöðu í norðurálmu heimavistarhúsnæðis Hrafnagilsskóla. Aðstaðan hentar vel til minni funda.
Gengið er inn að vestan, fast við mötuneytisinnganginn. Upplýsingar og pantanir í íþróttamiðstöð Eyjafjarðarsveitar í
síma 464 8140.
Vortónleikar 2010
Karlakór Eyjafjarðar heldur sína árlegu vortónleika í Glerárkirkju föstudaginn 30. apríl kl. 20:30 og í Laugarborg laugardaginn 1.
maí kl. 20:30.
Aðgangseyrir 2.000 kr. Forsala í verslun Vodafone á Glerártorgi (vinsamlega athugið að við getum ekki tekið við greiðslukortum).
Karlakór Eyjafjarðar
Vorfundur kvenfélagsins Iðunnar
Vorfundur kvenfélagsins Iðunnar verður haldinn 8. maí 2010 kl. 11 í Félagsborg, Hrafnagils-skóla. Nýjar konur velkomnar. Vorkveðjur
stjórnin
Frá Félagi aldraðra í Eyjafirði
Félagsvist verður í Félagsborg í Hrafnagilsskóla, laugardaginn 8. maí n.k. og hefst kl. 13.30. Allir 60 ára og eldri velkomnir. Aðgangseyrir
kr. 1000, innifalið kaffi og meðlæti.
Vinsamlegast ath. ekki posi á staðnum. Nefndin
Ljúfir og skemmtilegir kettlingar fást gefins.
Hvaða sauðfjárbónda hefur ekki dreymt um að eignast golsótta læðu, eða högna sem líkist Tomma í teiknimyndaþáttunum um
Tomma og Jenna?
Já, nú getur draumurinn loksins ræst því í gotinu er ein „golsótt” læða, tveir gráir högnar og einn högni alveg
eins og Tommi.
Kettlingarnir verða tilbúnir að fara að heiman í endaðan maí.
Frekari upplýsingar hjá Söru Maríu í síma 846-9024 eða Sveinbjörgu í síma: 463-1167
Ferðalag Félags aldraðra
Félag aldraðra stendur fyrir ferð um Austurland með gistingu í Svartaskógi 29. júní til 2. júlí 2010. þátttakendur
skrái sig og greiði staðfestingargjald kr. 5.000 fyrir 15. maí. Eftirstöðvar kr. 45.000 greiðist fyrir 20. júní. Nánari upplýsingar og
skráning í síma 463 1153 og 861 2853. Ferðanefndin
Aðalsafnaðarfundur Möðruvallasóknar
verður haldinn í Sólgarði þriðjudaginn 4. maí kl. 20:30. Venjuleg aðalfundarstörf og önnur mál. Sóknarnefnd
Sunnudagaskólinn:
Við endum vetrarstarfið okkar með vorferðalagi inn á Hólavatn, sunnudaginn 9. maí næstkomandi. Lagt verður af stað með rútu frá
Hrafnagilsskóla kl 10.00 og komið til baka aftur kl 14.00. á Hólavatni ætlum við að fara í leiki, grilla pylsur ofl. Munið að klæða
ykkur eftir veðri. Allir velkomnir, bæði börn og fullorðnir!!
Starfsfólk Sunnudagaskólans
Pípulagnir bjóðum upp á vaxtalausar raðgreiðslur
Norðurlagnir sf eru með alla almenna pípulagningaþjónustu, gerum föst verðtilboð með efni og vinnu. Hafið samband í síma 868 7458
Tómas og 868 6109 Helgi símar eru opnir allan sólarhringinn. A.t.h ekkert tímavinnugjald er tekið fyrir að keyra á og af vinnustað.
Búnaðarfélag Eyjafjarðarsveitar
Leigutaxti véla og tækja: mykjudreifari, 6 tonna-8.000, mykjudreifari, 8 tonna-10.000, vendiplógur-12.000, 4 skera plógar-8.000, 2 skera plógur-3.000,
akurvaltari-8.000, vatnsvaltari-4.000, sturtuvagn-10.000, úðadælur-6.000, vinnupallar-5.000, steypuvélar-1.000.
Lítil steypuhrærivél og rörabeygjuvél félagsins eru til sölu, tilboð óskast. Upplýsingar hjá Hirti í
Víðigerði 894 0283. Tilboð berist til Níelsar í Torfum fyrir 10. maí.
Menn eru minntir á að skila tækjum að lokinni notkun og að þrífa tækin ef þarf.
Framboð F-listans til sveitarstjórnarkosninga 2010
F-listinn boðar til fundar mánudagskvöldið 3. maí kl. 20:30 þar sem framboð listans til sveitarstjórnarkosninga 2010 verður kynnt. á fundinum
munu frambjóðendur jafnframt kynna helstu áherslur í stefnuskrá listans fyrir komandi kjörtímabil.
Fundurinn verður haldinn í stofu 6, Hrafnagilsskóla og er allt áhugafólk hvatt til að mæta.
F-listinn er óflokksbundið framboð sem leggur áherslu á fagleg og vönduð vinnubrögð með velferð íbúa Eyjafjarðarsveitar að
leiðarljósi.
Með sumarkveðju, F-listinn – fyrir kraftmikið, framsækið og fjölskylduvænt samfélag!
Aðalfundur Búnaðarfélags Saurbæjarhrepps
Aðalfundur Búnaðarfélags Saurbæjarhrepps verður haldinn í Funaborg fimmtudaginn 6. maí n.k., en ekki mánudaginn 3. eins og auglýst
hafði verið. Fundurinn hefst kl. 20.
Dagskrá venjuleg aðalfundarstörf auk erindis Ingvars Björnssonar.
Stjórnin
Hjólað í vinnuna
Dagana 5.-25. maí mun vinnustaðakeppnin Hjólað í vinnuna standa yfir í áttunda sinn. Keppt verður í 7 fyrirtækjaflokkum um flesta daga og
um flesta kílómetra, mælt hlutfallslega miðað við fjölda starfsmanna. Allir sem nýta eigin orku til að koma sér til og frá vinnu geta
tekið þátt, hvort sem það er gengið, hlaupið eða hjólað.
Mikil aukning hefur verið í þátttöku í keppninni undanfarin ár, og nú er um að gera að taka fram hjólin eða hlaupaskóna og
drífa sig af stað út í sumarið! Nánari upplýsingar um keppnina og skráning er á www.hjoladivinnuna.is.
Með sumarkveðju, íþrótta- og tómstundanefnd.
