Auglýsingablaðið

Auglýsingablað 1268. tbl. 16. árg. þriðjudaginn 19. nóvember 2024.

Sveitarstjórnarfundur
643. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 21. nóvember og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Kjörfundur vegna Alþingiskosninga 30. nóvember 2024 – Athugið ný staðsetning

Kjörstaður í Eyjafjarðarsveit vegna Alþingiskosninganna laugardaginn 30. nóvember 2024 verður í mötuneyti Hrafnagilsskóla, inngangur við skrifstofur Eyjafjarðarsveitar, Skólatröð 9.

Kjörfundur hefst kl. 10:00 og lýkur kl. 21:00. Athugið nýja staðsetningu.

Á kjörstað gerir kjósandi grein fyrir sér með framvísun skilríkja með mynd eða á annan fullnægjandi hátt. Bent er á að ef nota á stafræn ökuskírteini þá þarf að huga að uppfærslu þeirra áður en komið er á kjörstað.

Nánari upplýsingar um fyrirkomulag á kjörstað má finna á https://island.is/hvernig-er-kosid
Upplýsingar um kosningu utan kjörfundar má finna á https://island.is/s/syslumenn/kosning-utan-kjoerfundar
Kjörskrá er aðgengileg á skrifstofu Eyjafjarðarsveitar auk þess sem finna má upplýsingar um sinn kosningarstað á https://www.skra.is/folk/kjorskra-og-kosningar/hvar-a-eg-ad-kjosa/althingiskosningar-2024/

Á kjördegi hefur kjörstjórn aðsetur í mötuneytinu.
Símanúmer: Einar 894-1372, Sigríður 866-4741 og Þór 661-0112.

Kjörstjórnin í Eyjafjarðarsveit 12. nóvember 2024.
Einar Jóhannsson, Sigríður Hrefna Pálsdóttir og Þór Hauksson Reykdal.

Frestur til að sækja um styrk 2024 er til og með 15. desember 2024

• Íþrótta- og tómstundastyrkur barna
• Lýðheilsustyrkur eldri borgara
• Styrkveitingar vegna keppnis- og æfingaferða

Nánari upplýsingar um styrkina er að finna á heimasíðu Eyjafjarðarsveitar.

Frá Félagi eldri borgara í Eyjafjarðarsveit
Félag eldri borgara í Eyjafjarðarsveit heldur jólahlaðborð í mötuneyti Hrafnagilsskóla föstudaginn 29. nóvember kl. 19:00.
Verð pr. mann 10.000 kr.
Skráning hjá Benjamín, sími 899 3585, Hansínu Maríu, sími 863 1539 og Önnu, sími 848 1888. Síðasti skráningardagur er 24. nóvember.

Minnum á síðasta Iðunnarkvöld ársins fimmtud. 21. nóv. kl. 20:00Við verðum í fundarherberginu í Laugarborg. Nespresso-jólaföndur í boði fyrir þær sem vilja, kaffi/te og smá kruðerí. Nýjar konur velkomnar.
Kvenfélagið Iðunn.

Fjórtándi jólasveinninn í Freyvangsleikhúsinu.
Laugardaginn 23. nóv. frumsýning kl. 13:00 uppselt. Sunnudaginn 24. nóv. kl. 13:00. Sunnudaginn 1. des. kl. 13:00. Laugardaginn 7. des. kl. 13:00. Sunnudaginn 8. des. kl. 13:00. Laugardaginn 14. des. kl. 13:00. Sunnudaginn 15. des. kl. 13:00.
Allar nánari upplýsingar á tix.is og í síma 857-5598.

Kosningadagskaffi, kökubasar og kjólasala – úr mínum skáp í þinn! 😉
Takið daginn frá og kíkið í Laugarborg laugard. 30. nóv. kl. 13:00-17:00.

Það verður vöfflukaffi með svipuðu sniði og síðustu ár, risa kökubasar eins og síðast og nú verður nýtt tvist... kjólasalan „úr mínum skáp í þinn“! Komið og gerið góð kaup.
Allur ágóði rennur í hjálparsjóð Kvenfélagsins Iðunnar.

Opnar dyr 30. nóvember 2024
Við ætlum að opna upp á gátt og bjóða gestum og gangandi í aðventustemningu í sveitinni. Upplagt að krækja sér í jólagjafir, gjafabréf, matvöru og handverk.