Auglýsingablaðið

Auglýsingablað 1256. tbl. 16. árg. þriðjudaginn 27. ágúst 2024.

Sveitarstjórnarfundur
638. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 5. september og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Vaðlaugin lokuð vegna viðgerða
Vegna viðgerða verður vaðlaugin í sundlaug Eyjafjarðarsveitar lokuð eitthvað fram í september. Nánari tímasetningar skýrast síðar.
Við biðjum gesti okkar velvirðingar á óþægindunum en vonumst til að þetta gangi hratt og vel fyrir sig.
Verið velkomin í sund.

Kaffihlaðborð Hjálparinnar 1. september kl. 13:30-17:00 Funaborg
Hið margrómaða kaffihlaðborð kvenfélagsins verður haldið í Funaborg, sunnudaginn 1. september kl. 13:30, borðin svigna undan kræsingum.
Verð fyrir fullorðna 3.000 kr., grunnskólabörn 1.500 kr. og yngri börn borða frítt.
Hlökkum til að sjá ykkur.
Stjórnin.

Opið verður í betri stofunni á Laugalandi
Hvetjum alla þá sem vilja til að koma og sauma út eða gera fína handavinnu, í betri stofunni á Laugalandi, fyrsta mánudag í mánuði
kl. 18:00-21:00.
Sjáumst sem flest mánudaginn 2. september nk. Allir velkomnir.
Handraðinn, félag um varðveislu gamalla starfshátta og klæðnaðar.

Kæru bændur og landeigendur
Einn dagur er eftir af Bændadögum í Eyjafjarðará sumarið 2024, þ.e. 3. september nk. Bændum er þá heimilt að veiða fyrir sínu landi enda sé þá öllum veiðireglum árinnar fylgt.
Með veiðikveðju, stjórnin.
Eyjafjarðará, mynd af síðunni eyjafjardara.is

Gangnadagar 2024
Fyrri göngur fara fram 5. - 8. september.
Seinni göngur fara fram 20. - 22. september.
Hrossasmölun verður 4. október og stóðréttir 5. október.
Gangnaseðlar hafa verið birtir á heimasíðu Eyjafjarðarsveitar
https://www.esveit.is/is/frettir/gangnasedlar-2024
Talstöðvarásir gangnasvæða koma fram á gangnaseðli.