Auglýsingablaðið

Auglýsingablað 1243. tbl. 16. árg. þriðjudaginn 14. maí 2024.

Sveitarstjórnarfundur
633. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 16. maí og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Vinnuskólinn
Opið er fyrir rafrænar skráningar í vinnuskólann sumarið 2024 – miðað er við að skráningu sé lokið 20. maí.
https://www.esveit.is/is/thjonusta/menntun-1/vinnuskoli 

Kaffihlaðborð Hjálparinnar í Funaborg
Hið margrómaða kaffihlaðborð kvenfélagsins verður haldið í Funaborg, sunnudaginn 26. maí kl. 13:30, borðin svigna undan kræsingum.
Verð fyrir fullorðna 3.000 kr., grunnskólabörn 1.500 kr. og yngri börn borða frítt.

Lionsklúbburinn Sif - aðalfundur miðvikudaginn 29. maí kl. 19:30 í Félagsborg
Venjulega aðalfundarstörf og Hnallþóru veitingar.
Fróðleiksfúsum og áhugadrifnum Valkyrjum er velkomið að koma og kynnast okkur Sifjarkonum og starfinu, sjón er sögu ríkari!
Stjórnin.

Forsetakosningar 1. júní 2024
Kjörstaður í Eyjafjarðarsveit vegna forsetakosninganna 1. júní 2024 verður í Hrafnagilsskóla. Kjörfundur hefst kl. 10:00 og lýkur kl. 20:00.
Á kjörstað gerir kjósandi grein fyrir sér með framvísun skilríkja með mynd eða á annan fullnægjandi hátt. Bent er á að ef nota á stafræn ökuskírteini þá þarf að huga að uppfærslu þeirra áður en komið er á kjörstað.

Þeim sem eiga erfitt með gang er heimilt að aka út að skóla.

Nánari upplýsingar um fyrirkomulag á kjörstað má finna á https://island.is/hvernig-er-kosid 

Upplýsingar um kosningu utan kjörfundar má finna á https://island.is/v/forsetakosningar-2024/kosning-utan-kjorfundar 

Kjörskrá er aðgengileg á skrifstofu Eyjafjarðarsveitar auk þess sem finna má upplýsingar um sinn kosningarstað á https://www.skra.is/folk/kjorskra-og-kosningar/hvar-a-eg-ad-kjosa/forsetakosningar/ 

Á kjördegi hefur kjörstjórn aðsetur í Hrafnagilsskóla, sími 464-8100 eða 899-4935.

Kjörstjórn í Eyjafjarðarsveit 11. maí 2024: Einar Jóhannsson, Sigríður Hrefna Pálsdóttir og
Þór Hauksson Reykdal.

Gönguferðir eldri borgara á þriðjudögum kl. 20:00, byrja 4. júní

4. júní Eyjaf.árbakkar
11. júní Nýja veginn
18. júní Lögmannshlíðarhringur
25. júní Jólagarður-Kristnes
2. júlí Kristnesleið
9. júlí Hitaveituvegur
16. júlí Glerárdalur vestan megin
23. júlí Grundarskógur
30. júlí Melgerðismelar
6. ágúst Leyningshólar
13. ágúst Lystigarður
20. ágúst Rifkelsstaðir
27. ágúst Skógarböðin

Birt með fyrirvara um breytingar.
Upplýsingar í síma: 846-3222 Sveinbjörg og Bergljót í síma 864-8414.