Auglýsingablaðið

Auglýsingablað 1234. tbl. 16. árg. þriðjudaginn 12. mars 2024.

Sveitarstjórnarfundur
629. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 21. mars og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Frá Félagi eldri borgara í Eyjafjarðarsveit
Aðalfundi félagsins sem vera átti laugardaginn 9. mars er frestað til laugardagsins 23. mars og hefst kl. 11.00 í Félagsborg. Venjuleg aðalfundarstörf. Á vegum félagsins verður boðið upp á súpu og brauð að loknum fundi. Vonumst til að sjá ykkur sem flest.
Stjórnin.

Árshátíð yngsta stigs Hrafnagilsskóla 2024
Árshátíðin verður haldin í Laugarborg föstudaginn 15. mars milli klukkan 13:00 og 15:00. Nemendur yngsta stigs sýna leikritið ,,Pysjunætur“ en það fjallar um börn í Vestmannaeyjum sem á hverju hausti bjarga pysjum.

Að loknum skemmtiatriðum stjórnar Elín Halldórsdóttir dansi.

Aðgangseyrir er 2.000 kr. fyrir 16 ára og eldri, 500 kr. fyrir börn á grunnskólaaldri (aðra en sýnendur) og frítt fyrir þá sem eru yngri. Veitingar eru innifaldar í verði. Allur ágóði af miðasölu rennur í nemendasjóð og nýtist t.d. í að greiða lyftugjöld í skíðaferð og dagsferð 4. bekkinga.

Athugið að það er ekki posi á staðnum.

Skólabílar keyra ekki að árshátíð lokinni og frístund er opin milli kl. 15:00 og 16:00 fyrir þá sem þar eru skráðir.

Allir eru hjartanlega velkomnir.

Nemendur í 1.- 4. bekk í Hrafnagilsskóla.

Iðunnarkvöld fimmtudaginn 14. mars kl. 20:00
Það verður súpukvöld næsta Iðunnarkvöld, fimmtudaginn 14. mars kl. 20:00 í fundarherbergi Laugarborgar. Þá verður smellt í eina ótrúlega fljótlega og góða súpu og boðið upp á eitthvað brauðmeti með. Þær sem geta mega endilega hafa meðferðis uppskrift af
uppáhaldssúpunni sinni, já eða súpunum....! :-)
Nýjar konur velkomnar.
2. flokkur Kvenfélagsins Iðunnar.