Auglýsingablaðið

Auglýsingablað 1208. tbl. 15. árg. 13. september 2023.

Frá Félagi eldri borgara í Eyjafjarðarsveit
Við byrjum samverustundir okkar í Félagsborg eftir sumarfrí, þriðjudaginn 19. september nk. kl. 13:00. Einnig er komið að tímum okkar í íþróttahúsinu á miðvikudögum kl. 10:45-12:00 og er sá fyrsti miðvikudaginn 20. sept. Enn er óvissa um tíma á föstudögum.
Nýir félagar velkomnir í starf og leik.
Stjórnin.

Kirkjukór Grundarsóknar getur bætt við sig söngvurum
Taktu þátt í öflugu tónlistarstarfi í góðum félagsskap.
Boðið verður upp á námskeið í kórsöng, nótnalestri og helstu hugtökum tónlistar.
Kórinn æfir á mánudagskvöldum.
Skráning og nánari upplýsingar: thorvaldurorn@akirkja.is

Lionsklúbburinn Sif – fundur í kvöld :-)
Nú förum við aftur á stjá, konurnar í Lionsklúbbnum Sif og byrjum haustið með fundi í Félagsborg í kvöld miðvikudaginn 13. september. Húsið opnar kl. 19:30 og fundur hefst kl. 20:00. Farið verður yfir drög að dagskrá vetrarins sem meðal annars er með skemmtilegum uppákomum og verðugum verkefnum fyrir samfélagið. Nýjar konur ávallt velkomnar.
Stjórn Lkl. Sifjar.

Birkifræsöfnun fellur niður
Því miður er nánast engin uppskera af birkifræjum Norðanlands þetta árið, þannig að okkar árlegi viðburður á Degi íslenskrar náttúru, fellur niður. Við krossum putta um að uppskeran verði góð haustið 2024 ;-)
Stjórn Lkl. Sifjar.

Vökuland Vellíðunarsetur
*Jóga og gongslökun. Alla þriðjudaga kl. 17:30–18:45. 5 tíma kort á 12.000 kr./stakur tími á 2.500 kr. Jóga eykur styrk, liðleika og þrek.
*JógaNidra og gongslökun. Miðvikudagana 13. og 20. sept. kl. 18:00-19:15. Stakur tími á 3.000 kr.
*Hljóðbað(Soundbath) miðvikudaga frá 4. okt.-6. des. kl. 18:00-19:00. Hljóðbað er hugleiðslu upplifun þar sem viðstaddir eru „baðaðir“ í hljóðbylgjum. 5 tíma kort á 11.500 kr./stakur tími á 2.500 kr.
*Treystu ferlinu/KakóNidra 15. sept., 14. okt., 13. nóv. og 12. des. kl. 17:30-20:00.
*Flóð & Fjara heldur námskeið í plöntuhengi/vegghengi 7. og 8. október. Leiðbeinandi er Hera Sigurðardóttir. Skráning hjá www.flodogfjara.com (námskeið).
Skráning nauðsynleg í alla viðburði og tíma hjá info@vokulandwellness.is eða í s. 663-0498. www.vokulandwellness.is 

Dagskrá Íþróttaviku Evrópu 2023
Hér er dagskráin  í pdf skjali