Auglýsingablaðið

Auglýsingablað 1205. tbl. 15. árg. 23. ágúst 2023.

Sveitarstjórnarfundur
615. fundur sveitarstjórnar Eyjafjarðarsveitar er fyrirhugaður í fundarherbergi sveitarstjórnar, Skólatröð 9, fimmtudaginn 31. ágúst og hefst hann kl. 8:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Gangnadagar 2023
1. göngur verða gengnar 31. ágúst.-. 3. september.
2. göngur verða tveim vikum síðar þ.e. 16.-17. september.

Hrossasmölun verður föstudaginn 6. október og stóðréttir 7. október.
Árið 2024 verður hrossasmölun 4. október og stóðréttir 5. október.

Talstöðvarásir gangnasvæða koma fram á gangnaseðli.

Vetraropnun sundlaugarinnar
Frá og með laugardeginum 26. ágúst tekur við vetraropnunartími sundlaugarinnar.
Mánudagar - fimmtudagar 06:30 – 08:00 og 14:00 – 22:00
Föstudagar – 06:30 – 08:00 og 14:00 – 19:00
Helgar – 10:00 – 19:00

Frá Félagi eldri borgara
Haustferð félagsins verður farin miðvikudaginn 30. ágúst. Farið verður um Melrakkasléttu, komið við á ýmsum áhugaverðum stöðum undir stjórn leiðsögumanns. Léttur hádegisverður á Vegg í Kelduhverfi, kvöldmatur í Skúlagarði. Kostnaður á mann er 13 þús. og leggst inn á
reikning 0370-26-042168, kt.121152-5689.
Tilkynning um þátttöku berist fyrir 25. ágúst til Sveinbjargar s. 846-3222, Páls s. 661-7627 eða Leifs s. 894-8677.
Sjáumst hress og kát.
Kv. Ferðanefndin.

Vetrarstarf umf. Samherja hefst skv. tímatöflu mánudaginn 28. ágúst
Vikuna 28. ágúst - 3. september verður opin vika hjá okkur þar sem öllum gefst tækifæri til að prófa þá tíma sem boðið verður upp á í vetur. Tímataflan er birt með fyrirvara um mögulegar breytingar á tímasetningu (og staðsetningu) þrektíma fyrir unglinga og fullorðna. Vonandi finna allir eitthvað við sitt hæfi.
Endilega fylgist með fréttum á heimasíðu og facebook síðu umf. Samherja.

Sjá tímatöflu hér.