Auglýsingablaðið

Auglýsingablað 1186. tbl. 15. árg. 29. mars 2023.

Opinn íbúafundur um viðburðahald í Eyjafjarðarsveit 12. apríl kl. 20:00 í mötuneyti Hrafnagilsskóla
Fulltrúar félaganna sem unnu að Handverkshátíðinni hafa fundað og tekið sameiginlega ákvörðun um að halda ekki Handverkshátíð í þeirri mynd sem hún var.

Á fundinum óskuðu félögin eftir þátttöku íbúa í umræðum um hverskonar viðburði íbúar vilja sjá og/eða stuðla að. Leitað var til Samtaka sveitarfélaga og atvinnuþróunar á Norðurlandi eystra, skammstafað SSNE, um aðstoð að slíkum fundi og hefur Díana Jóhannsdóttir verkefnastjóri tekið það að sér.

Fundurinn verður haldinn miðvikudagskvöldið 12. apríl kl. 20:00 í mötuneyti Hrafnagilsskóla og er hann opinn öllum. Stutt könnun er tilbúin fyrir fundinn sem allir mega svara, óháð mætingu. Díana mun svo skýra frá niðurstöðum á fundinum, einnig mun hún taka saman greinagerð í lok fundarins sem verður aðgengileg öllum.

Könnunina má finna hér:
https://www.surveymonkey.com/r/GLXS3FV

Allir eru velkomnir á fundinn, hvort sem fólk er nýtt í sveitinni eða hokið af reynslu. Kaffi og gott með því verður á boðstólum.

Með von um góðar undirtektir og umræður,
Hjálparsveitin Dalbjörg
Ungmennafélagið Samherjar
Kvenfélagið Aldan
Kvenfélagið Iðunn
Kvenfélagið Hjálpin
Hestamannafélagið Funi
Lionsklúbburinn Vitaðsgjafi

FEBE -Félag eldri borgara í Eyjafjarðarsveit fer í heimsókn á Minjasafnið á Akureyri fimmtudaginn 30. mars kl. 14:00, að skoða ljósmyndasýninguna Hér var verzlun.
Skemmtinefndin.

Aðalsafnaðarfundur nýrrar Grundarsóknar
-verður haldinn í Félagsborg miðvikudaginn 5. apríl kl. 20:00.
Venjuleg aðalfundarstörf.
Öll sóknarbörn velkomin.
Stjórnin.

Leiklistarnámskeið fyrir byrjendur og lengra komna
Leikur, spuni, sjálfstyrking og sviðsframkoma.
Verð 8.000 kr. - kennari: Eyþór Daði Eyþórsson. Kennt verður í Freyvangi.
Börn fædd 2006-2011 - 11., 18., 25. april og 2. maí kl. 16:30-19:00.
Fullorðnir - 11., 18., 25. april og 2. maí kl. 20:00-22:00.
Skráning og nánari upplýsingar er á dadi00@simnet.is eða í síma 780-0570 (Eyþór).

Aðalfundur Búnaðarfélags Eyjafjarðarsveitar
-verður haldinn á Brúnum kl. 11.00 mánudaginn 3. apríl.
Dagskrá fundarins:
• Almenn aðalfundastörf
• Erindi gesta
• Önnur mál

Gestir fundarins verða frá Vélfangi og ætla þeir meðal annars að fræða okkur aðeins um nýjungar í skítkeyrslumálum.
Svo er aldrei að vita nema það verði leynigestur á fundinum sem mun ræða mjög svo þarft málefni við bændur.
Þannig að það er um að gera að taka daginn frá.

Píslarganga á föstudaginn langa 7. apríl
Hin árlega píslarganga á vegum Hjálparsveitarinnar Dalbjargar verður á föstudaginn langa 7. apríl.

Lagt verður af stað gangandi frá Dalborg kl. 10:00, gengið á bökkunum inn að Munkaþverárkirkju (4,5 km önnur leið).

Fyrir þau sem vilja ganga hálfa leið verður farið keyrandi frá Dalborg kl. 11:00 inn að kirkjunni. Þar verður séra Jóhanna Gísladóttir með helgistund kl. 11:30-12:00.

Svo verður gengið til baka í Dalborg, þar sem verður vöfflukaffi og kassaklifur fyrir börn kl. 13:00-14:00.

Frjáls framlög í styrktarsjóð Dalbjargar.

Freyvangsleikhúsið og Fólkið í blokkinni
Næstu sýningar:
Föstudaginn 31. mars kl. 20:00
Laugardaginn 1. apríl kl. 20:00
Fimmtudaginn 6. apríl kl. 20:00
Laugardaginn 8. apríl kl. 20:00

Húsið opnar klukkutíma fyrir sýningu og sjoppan/kaffistofan opin.
Hópatilboðin okkar eru í fullu gildi. Nánari upplýsingar á freyvangur.is, á feisbúkksíðu Freyvangsleikhússins og í síma 857-5598.
Miðapantanir í síma 857-5598 og á tix.is

Bókasafnið fer í páskafrí
Síðasti opnunardagur safnsins fyrir páska er föstudagurinn 31. mars. Þá er opið frá kl. 14.00-16.00.
Opnum aftur eftir páska þriðjudaginn 11. apríl.

Minnum annars á opnunartíma safnsins:
Þriðjudagar frá 14.00-17.00.
Miðvikudagar frá 14.00-17.00.
Fimmtudagar frá 14.00-18.00.
Föstudagar frá 14.00-16.00

Best er að ganga um dyr að austan (kjallari íþróttahúss) eða um sundlaugarinngang.