Auglýsingablaðið

Auglýsingablað 1160. tbl. 14. árg. 28. september 2022.

Sveitarstjórnarfundur
595. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 6. október og hefst hann kl. 8:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Rúllubaggaplast
Bændur eru hvattir til að ganga vel frá rúllubaggaplasti fyrir komandi haustlægðir. Eitthvað bar á því í síðustu lægð að plast hafi m.a. fokið af vögnum við flutning.
Sveitarstjóri.

Hrossasmölun verður föstudaginn 30. september og stóðréttir í framhaldi þann 1. október kl. 10:00 í Þverárrétt og kl. 13:00 í Melgerðismelarétt.
Gangnaseðlar eru aðgengilegir á heimasíðu Eyjafjarðarsveitar.

Stóðréttir Melgerðismelum
Stóðréttir á Melgerðismelum laugardaginn 1. okt. Rekið inn kl. 13:00.
Sjoppa á staðnum.
Hestamannafélagið Funi.

Stóðréttardansleikur Funaborg Melgerðismelum
Sveitaball eins og þau gerast best!
Verður haldið í Funaborg Melgerðismelum laugardaginn 1. okt.
Hljómsveitin Færibandið leikur fyrir dansi. Húsið opnar kl. 22:00, miðaverð aðeins kr. 4.000.-
Láttu þig ekki vanta.
Hestamannafélagið Funi.

Íþróttavika Evrópu 23.-30. september
Eyjafjarðarsveit tekur þátt í Íþróttaviku Evrópu sem er 23.-30. sept.
Frítt í sund þessa daga.
Viðburðir næstu daga í tilefni Íþróttaviku:
Miðvikudagur 28.09
Kl. 17:30-18:30 – Zumba tími í Hjartanu í skólanum
Fimmtudagur 29.09
Kl. 17:30-18:30 – Yoga Nidra tími í Hjartanu í skólanum
Föstudagur 30.09
Kl. 17:30 – Ganga frá Öngulsstaðaseli, uppá Haus og niður Þverárgil
Nánar um viðburðina á www.esveit.is

Fjör í Freyvangi
9 stuttverk skrifuð, leikstýrð og flutt af félögum Freyvangsleikhússins.
Aðeins tvær sýningar; föstudaginn 30. sept og laugardaginn 1. okt. kl. 20:00.
Miðaverð 2.000 kr. Miðasala í síma 857-5598 eða freyvangur@gmail.com

Bleika slaufan – tökum við pöntunum til og með 30. sept.
Í fyrra söfnuðust alls 471 þúsund kr. í Eyjafjarðarsveit.
Allur ágóði rennur til KAON; Krabbameinsfélags Akureyrar og nágrennis.

Sendu póst á selmadogg@simnet.is og pantaðu slaufu, frjáls framlög eru einnig vel þegin.
Krabbameinsfélaginu og Dekurdögum verður afhent söfnunarféð í lok október.

Við í Lionsklúbbnum Sif setjum upp slaufurnar og tökum þær niður.
Með fyrirfram þökkum fyrir stuðninginn, Lkl. Sif.