Auglýsingablaðið

Auglýsingablað 1147. tbl. 14. árg. 15. júní 2022.

Sveitarstjórnarfundur
590. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 16. júní og hefst hann kl. 8:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Bæjakeppni Funa 2022, opið íþróttamót
Bæjakeppni Funa verður haldin á Melgerðismelum 24. júní og hefst kl. 19:00, skráning byrjar kl. 18:00.
Keppt verður í pollaflokki, barnaflokki, unglingaflokki, ungmennaflokki, kvennaflokki og karlaflokki.
Sjoppan opin og allir velkomnir.
Hestamannafélagið Funi.

Markaðshelgi í Laugarborg 16.-17. júlí nk. – Ath. tveggja daga gleði

Kvenfélagið Iðunn auglýsir eftir áhugasömum söluaðilum handverks og matvöru sem vilja vera með á markaði í Laugarborg annan eða báða dagana 16.-17. júlí nk.

Hvert borðpláss er á 5.000 kr./per. dag.
Borðin eru 170 cm á breidd og 70 cm á dýpt.

Umsóknarfrestur til og með þriðjud. 21. júní.
Óskir um nánari upplýsingar og umsóknir sendist á
idunnhab@gmail.com (Hrönn).

Áttu eftir að fá þér sólarvörn?
Sendu á mig pöntun á mánudegi og vörurnar koma á föstudegi.
Pantanir í síma 866-2796 eða með skilaboðum.
Vörulisti og verð á facebook Hrönn Volare.

Ísbúðin í Holtseli er opin 17. júní kl. 13:00-17:00
Ís, pylsur og drykkir til sölu.
Hægt að gefa kálfum pela og nammi
kl. 14:00 og 16:00 (ef veður leyfir).
Fyrstu 20 börnin, 12 ára og yngri fá fría ískúlu.
Hlökkum til að sjá ykkur.