Auglýsingablaðið

Auglýsingablað 1034. tbl. 12. árg. 18. mars 2020.

Sveitarstjórnarfundur
546. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 26. mars og hefst hann kl. 15:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Nokkrar línur frá kirkjunni ykkar
Kæru íbúar Eyjafjarðarsveitar. Nú þegar samkomubann er í gildi um allt land er ljóst að allt helgihald kirkjunnar og almennt safnaðarstarf liggur niðri næstu vikurnar. En þótt lítið fari fyrir formlegu starfi þá er ég að sjálfsögðu til staðar og til viðtals hvenær sem hentar og mun leggja áherslu á að ná til sem flestra á þessum óvissutímum. Ég mun notast við símann í meiri mæli og hvet ykkur til að hafa samband, þó ekki sé nema til að spjalla. Við skulum sem samfélag sameinast um að hughreysta hvort annað, styðja og hvetja, og höfum augun opin fyrir aðstæðum og líðan nágranna og vina.
Hlýjar kveðjur, Jóhanna prestur, s: 696-1112, johanna.gi@kirkjan.is.

Kæru sveitungar
Til 27. mars stendur yfir söfnunarátak ABC barnahjálpar ,,Börn hjálpa börnum 2020” í Eyjafjarðarsveit. Þá fara nemendur í 5. bekk um sveitina og safna peningum í brýn verkefni fyrir börn í fátækum löndum í Afríku og Asíu.
Þar sem nemendur eru ekki það margir í bekknum komast þeir ekki yfir það að heimsækja öll heimili sveitarinnar. Við biðjum þá sem vilja styrkja þetta góða og þarfa málefni en fá ekki heimsókn að hafa samband við skólann í 464-8100 eða um netfangið nanna@krummi.is.
Við þökkum góðar móttökur undanfarin ár og vonum að engin breyting verði þar á.
Fyrirfram þakkir og bestu kveðjur, nemendur í 5. bekk í Hrafnagilsskóla.

Aðalsafnaðarfundur Grundarsóknar verður haldinn mánudaginn 23.03.2020, kl. 20:30. í Víðigerði. Venjuleg aðalfundarstörf.
Sóknarnefnd.

Aðalsafnaðarfundur Saurbæjarsóknar verður haldinn fimmtud. 26. mars kl. 16:00 í Hleiðargarði. Vinsamlega tilkynnið komu fyrirfram við formann sóknarnefndar í síma 660-9034.
F.h. stjórnar, Auður Thorberg.

Félag eldri borgara í Eyjafjarðarsveit auglýsir:
Í ljósi nýjustu frétta af samkomubanni er ákveðið að ÖLL STARFSEMI Á VEGUM FÉLAGSINS FALLI NIÐUR NÆSTU 4 VIKUR. Að öllu óbreyttu komum við næst saman þriðjudaginn 14. apríl.
Stjórnin.

Aukaaðalfundi Vatnsveitufélags Kaupvangssveitar sem fyrirhugaður var 25. mars 2020 á Lambinn er frestað um óákveðinn tíma.
Stjórnin.

Tilkynning frá Kirkjukór Laugalandsprestakalls
Í ljósi samkomubanns og tveggja metra reglunnar og fleira, hefur verið ákveðið að gera hlé á kóræfingum. Aðalfundi, sem var á dagskrá í næstu viku, verður frestað fram í maí. Ný dagsetning fyrir aðalfund mun verða auglýst um leið og málin skýrast.

Aðalfundur Ferðafélags Eyjafjarðarsveitar - FRESTAÐ
Aðalfundi Ferðamálafélags Eyjafjarðarsveitar sem vera átti 18. mars kl. 17:00 að Brúnum hefur verið frestað vegna kórónaveirunnar til 15. apríl. Sami staður, sami tími. Farið vel með ykkur.
Stjórnin.

Frestun á folaldasýningu Náttfara
Vegna aðstæðna í þjóðfélaginu er folaldasýningu Hrossaræktarfélagsins Náttfara, sem fram átti að fara nk. laugardag 21. mars á Melgerðismelum, frestað um óákveðinn tíma.
Stjórn Náttfara.

FRESTAÐ - Umbrotsforritin Canva og Spark Post
Námskeið í notkun umbrotsverkfæranna Canva og Spark Post sem halda átti þann 18. mars kl. 17:00-18:30 við eldhúsborðið í Hjallatröð 1, hefur verið frestað. Nánari upplýsingar eru á Facebook-síðu Bara byrja.

Syngdu með – FRESTAÐ...
Viðburðinum sem vera átti föstudagskvöldið 27. mars í Laugarborg, verður frestað í bili. Skoðum aftur málið eftir samkomubann.
Bestu kveðjur frá dúóinu H&S.

Dagur Vatnsins, World Water Day
Við komum saman í helgri athöfn til að heiðra vatnið á Degi Vatnsins/World Water Day, sunnudaginn 22. mars 2020, klukkan 16:00.
Vinsamlega skráið þátttöku í síma 857-6177, takmarkað pláss.
Iceland Yurt, Gaia hofið, Þóra Sólveig Bergsteinsdóttir.
Sjá nánar í Facebook viðburði gegnum Gaia God/dess Temple Gaia hofið.

Snyrtistofan Sveitasæla – Er staðsett á Lamb Inn Öngulsstöðum
Í ljósi aðstæðna í þjóðfélaginu þessa dagana hef ég aukið við hreinlæti, spritta alla snertifleti eins og t.d. hurðarhúna og posa eftir alla kúnna og hef tekið út tímarit á biðstofu. Ég mun nota andlitsmaska við allar meðferðir og einnota hanska. Ég og þeir kúnnar sem koma til mín munu þurfa að þvo hendur og spritta fyrir hverja meðferð. Ég vil biðja þá kúnna sem finna fyrir einkennum að halda sig heima.
Tímapantanir í síma 833-7888 milli kl. 9:00-17:00 á daginn. Sjá nánar á Facebook.
Elín Halldórsdóttir, snyrtifræðingur og danskennari.

Lumar þú á skemmtilegri frétt eða fallegum myndum fyrir heimasíðu sveitarfélagsins?

Ákveðið hefur verið að leita til ykkar eftir skemmtilegum fréttum, umfjöllunum eða sögum ásamt myndum úr sveitinni sem hægt er að deila með sveitungum til dægrastyttingar á þessum sérkennilegu tímum.

Langar okkur að birta líflegar og skemmtilegar fréttir á heimasíðu sveitarfélagsins, eitthvað sem dreift getur huga okkar frá því yfirflæði frétta sem tengjast veirum, veðri og snjómokstri þessa dagana.

Innsent efni getur verið allt að því hvað sem er. Til dæmis falleg mynd og upplýsingar um hana, upplýsingar um starfsemi fyrirtækis (hvort sem það er í landbúnaði, ferðaþjónustu eða öðru), myndir og fréttir úr félagsstarfi eða hvað annað sem ykkur dettur í hug.

Vonandi fáum við eitthvað skemmtilegt innsent efni til að deila á heimasíðu sveitarfélagsins www.esveit.is og samfélagsmiðlum.

Efni sendist á esveit@esveit.is

Með vinsemd og þökk, Finnur Yngvi Kristinsson, sveitarstjóri.