Auglýsingablaðið

Auglýsingablað 1031. tbl.  22. árg. 27. febrúar 2020.

Sveitarstjórnarfundur
544. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 5. mars og hefst hann kl. 15:00. Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Frá bókasafni Eyjafjarðarsveitar
Lokað er á bókasafninu vegna vetrarleyfis Hrafnagilsskóla.
Frá mánudeginum 2. mars er opið eins og venjulega.
Mánudaga frá 10:30-12:30 og 13:00-16:00
Þriðjudaga frá 10:30-12:30 og 16:00-19:00
Miðvikudaga frá 10:30-12:30 og 16:00-19;00
Fimmtudaga frá 10:30-12:30 og 16:00-19:00. 
Föstudaga frá 10:30-12:30.

Vetraropnun Íþróttamiðstöðvar/sundlaugar
Mánudaga til fimmtudaga kl. 06:30-22:00. 
Föstudaga kl. 06:30-20:00. 
Laugardaga og sunnudaga kl. 10:00-20:00

KVENFÉLAGIÐ ALDAN – Aðalfundur 29. febrúar, kl. 11:00 í Laugarborg
Venjulega aðalfundarstörf. Veitingar, happdrætti og fleira gert til skemmtunar.
Nýjar konur sem vilja leggja samfélaginu lið undir okkar merkjum eru ætíð velkomnar.
Kveðjur bestar, stjórnin. 

Kvenfélagið Hjálpin
Aðalfundur kvenfélagsins Hjálpin verður haldinn sunnudaginn 8. mars kl. 12:30 í Sólgarði.
Fyrir fundinum liggur dagskrá er varðar venjuleg aðalfundarstörf.
Áhugasamar um starf kvenfélagsins eru velkomnar að koma og kynna sér starfsemina og gerast félagar.
Hittumst hressar og eigum góða dagstund saman !!!
Stjórnin.

Aukaaðalfundur Vatnsveitufélags Kaupangssveitar 25. mars kl. 20:00 á Lambinn
Á aðalfundi á Lambinn þann 13.05.2019 var samþykkt sú tillaga að stjórn VK færi í viðræður við Norðurorku um samstarf eða kaup á félaginu, af því tilefni boðum við nú til aukaaðalfundar til skrafs og ráðagerðar. 

Dagskrá fundarins: 
1. Kynning á tilboði Norðurorku í eignir félagsins.
2. Beiðni stjórnar um umboð félagsmanna til handa stjórn til að ráðstafa eignum félagsins, með fyrirvara um samþykki félagsmanna á aðalfundi sem haldinn verður í apríl.
3. Önnur mál

Stjórn Vatnsveitufélags Kaupangssveitar.

Karlakórinn Heimir heldur tónleika í Laugarborg föstudaginn 28. febrúar kl. 20:30
Fjölbreytt efnisskrá, meðal annars verða fluttir valdir kaflar úr dagskrá kórsins tileinkuð Stefáni Íslandi.
Einsöngur: Þorgeir J. Andrésson og Birgir Björnsson.
Lesarar: Agnar H. Gunnarsson og Björn Björnsson.
Stjórnandi: Stefán R. Gíslason.
Undirleikari: Thomas R. Higgerson.
Miðasala við innganginn.
Miðaverð 4.000 kr.
Sjá nánar á www.heimir.is

Stofnfundur Matarstígs Helga magra verður haldinn þriðjudaginn 3. mars nk. á Lamb Inn kl. 20:00

Dagskrá:
1. Undirbúningsstjórn mun kynna vinnu sína og leggja fram tillögur að starfsemi og verkefnum.
2. Ragnheiður Lára Brynjólfsdóttir og Þröstur Heiðar Erlingsson bændur í Birkihlíð í Skagafirði munu kynna starfsemi sína í heimaframleiðslu.
3. Elva Gunnlaugsdóttir, verkefnastjóri hjá SSNE – áður Atvinnuþróunarfélagi Eyjafjarðar, mun kynna Local Food matarhátíðina í október.
4. Kosning stjórnar. 
5. Önnur mál.

Allir þeir sem hafa áhuga á matvælaframleiðslu í Eyjafjarðarsveit, hvort sem það eru bændur eða heimilisframleiðendur, auk ferðaþjónustuaðila eru hvattir til að mæta á fundinn. Engin skuldbinding fylgir mætingu á fundinn. Hvernig geta bændur tekið þátt í verkefninu og hvernig getur það nýst þeim? Hvernig getur verkefnið nýst gististöðum? Geta þeir sem búa til sultur, kæfu, osta og hvaðeina úr hráefnum úr Eyjafjarðarsveit verið með? Svör við öllum þessum spurningum verða veitt á fundinum. 

Undirbúningsstjórn; Karl Jónsson, Sigríður Róbertsdóttir, Einar Örn Aðalsteinsson.

Snyrtistofan Sveitasæla 
Er staðsett á Lamb Inn Öngulsstöðum.
Hægt að fá allar helstu snyrtimeðferðir, nánari upplýsingar um meðferðir og verð eru inná Facebook. Gjafabréf í dekur er tilvalin gjöf við öll tækifæri, þú velur ákveðna meðferð eða upphæð að eigin vali. Best er að hringja í mig ef þið viljið nálgast gjafabréf. 
Er með hágæðavörur frá Comfort Zone í vinnuvöru og til sölu. 
Er með opið mánudaga kl. 16:00-18:00, þriðjudaga 9:00-16:00, miðvikudaga 16:00-18:00, fimmtudaga 9:00-16:00 og föstudaga 9:00-15:00. Tímapantanir í síma 833-7888, milli kl. 9:00-17:00 á daginn. Eftir kl. 17:00 og um helgar svarar símsvari.
Elín Halldórsdóttir snyrtifræðingur og danskennari.

Dagbók Önnu Frank í Freyvangsleikhúsinu
Um er að ræða uppfærða leikgerð og nýja þýðingu sem hefur aldrei verið sýnd hér á landi. Leikstjóri er Sigurður Líndal og þýðandi er Ingunn Snædal. 

3. sýning 28. febrúar kl. 20:00 6. sýning 07. mars kl. 15:00 UPPSELT
4. sýning 29. febrúar kl. 20:00 7. sýning 07. mars kl. 20:00
5. sýning 06. mars kl. 20:00

Nánari upplýsingar á www.freyvangur.is. 
Hægt er að panta miða í s. 857-5598 og á Tix.is.