Auglýsingablaðið

Sveitarstjórnarfundur
522. fundur sveitarstjórnar Eyjafjarðarsveitar verður haldinn í fundarherbergi sveitarstjórnar, Skólatröð 9, fimmtudaginn 18. október og hefst hann kl. 15:00.
Dagskrá fundarins verður kynnt á upplýsingatöflu í anddyri skrifstofunnar og á heimasíðu sveitarfélagsins.

Viðskiptavinir athugið
Íþróttamiðstöðin verður lokuð mánudaginn 15. október milli kl. 9:00-14:00, vegna jarðarfarar.
Starfsfólk íþróttamiðstöðvar.

Tilkynning frá Hrafnagilsskóla
Mánudaginn 15. október verður skólahald nemenda í 5. - 10. bekk fellt niður vegna útfarar Ingibjargar Ævarsdóttur. Óhefðbundið skólastarf verður í boði fyrir nemendur í 1. - 4. bekk í umsjón starfsmanna skólans. Við biðjum foreldra og forráðamenn nemenda í 1. - 4. bekk að láta ritara vita í síðasta lagi föstudaginn 12. október ef börn þeirra koma ekki í skólann á mánudag.
Í litlu samfélagi eins og okkar snertir sorgin marga og við sendum kærleikskveðjur og hlýhug til aðstandenda Ingibjargar.
Fyrir hönd Hrafnagilsskóla,
Hrund og Björk skólastjórnendur.

Sameining Laugalands- og Akureyrarprestakalla
Biskupafundur hefur ákveðið að leggja fyrir kirkjuþing í nóvember nk. tillögu um sameiningu þessarra tveggja prestakalla 1. febrúar 2019. Sameinað prestakall fær heitið Eyjafjarðarprestakall og því verður þjónað af sóknarpresti og tveimur prestum. Safnaðarfundum er gefinn kostur á að veita umsagnir um tillöguna.
Því er boðað til sameiginlegs safnaðarfundar allra sókna í Laugalandsprestakalli í Félagsborg, miðvikudaginn 24. október kl. 20:00.
Prófastur, séra Jón Ármann Gíslason, mætir á fundinn, kynnir málið og svarar fyrirspurnum. Allir sem láta sig málið varða eru hvattir til að mæta.
Sóknarnefndirnar

 Snyrtistofan Sveitasæla
Snyrtistofan verður lokuð frá 9.-19. október þar sem ég verð erlendis.
Endilega skilið eftir skilaboð í símanum 833-7888 ef þið viljið fá tíma fljótlega eftir að ég kem heim og ég mun hafa samband.
Elín Halldórsdóttir snyrtifræðingur.

Bókasafn Eyjafjarðarsveitar
Bókasafnið verður lokað 18. og 19. október vegna vetrarleyfis Hrafnagilsskóla.
Annars er opið eins og venjulega:
Mánudagar kl. 10:30-12:30 og 13:00-16:00
Þriðjudagar kl. 10:30-12:30 og 16:00-19:00
Miðvikudagar kl. 10:30-12:30 og 16:00-19:00
Fimmtudagar kl. 10:30-12:30 og 16:00-19:00
Föstudagar kl. 10:30-12:30
Best er að ganga um dyr að austan (kjallari íþróttahúss) eða um sundlaugarinnganga og niður á neðri hæð.