Auglýsingablaðið

 Eyjafjarðarsveit óskar eftir tilboði í malbikun á götu og gangstétt að Bakkatröð í Hrafnagilshverfi Eyjafjarðarsveitar.

Verkið felur í sér malbikun á götu, gangstétt og lagningu kantsteins. Helstu magntölur eru: Malbikun gata AC11 (t=50 mm )2200 m2 Malbikun gangstétt AC8 (t=50 mm) 820 m2 Staðsteyptir járnbentir kantsteinar, hæð 10-12 cm 480 metrar.

Verklok skulu vera eigi síðar en 21. september 2018.

Þeir sem óska eftir útboðsgögnum skulu gera það með því að senda tölvupóst á netfangið esveit@esveit.is með efnislínu (e. subject) Bakkatröð Malbik 1807010.

Skilafrestur: 23.07.2018 kl. 11:00. Opnun tilboða: 23.07.2018 kl. 11:00.

 Hjólreiða- og göngustígur, malbikun útboð.

Eyjafjarðarsveit óskar eftir tilboðum í malbikun hjólreiða- og göngustígs frá sveitarfélagsmörkum Akureyrar og Eyjafjarðarsveitar að Hrafnagilshverfi.

Verkið felur í sér malbikun á 2,5 m. breiðum hjólreiða- og göngustíg. Lengd stígsins er um 7.200 m. Helstu magntölur eru: Malbikun Y11 (t=40 mm, B=2,5 m) 18.000 m2

Verklok skulu vera eigi síðar en 21. september 2018.

Þeir sem óska eftir útboðsgögnum skulu gera það með því að senda tölvupóst á netfangið esveit@esveit.is með efnislínu (e. subject) Hjólastígur Malbik 1101011.

Skilafrestur: 20.07.2018 kl. 11:00. Opnun tilboða: 20.07.2018 kl. 11:00.

 Æskulýðsdagar Norðurlands
- eru að vanda þriðju helgina í júlí, að þessu sinni dagana 13.-15. júlí. Skráningu má senda á netfangið annasonja@gmail.com, í síðasta lagi fimmtudaginn 12. júlí. Ítarlega dagskrá má sjá á heimasíðu Funa www.funamenn.is. Fullt af fjöri í boði fyrir bæði polla, börn, unglinga og ungmenni! Sjáumst 😊 Æskulýðsnefnd hestamannafélagsins Funa.

 Volare ferðasett fyrir alla fjölskylduna 😊 Má bjóða þér bækling?
Sjáðu vöruúrvalið á facebooksíðunni Hrönn Volare eða fáðu sendan bækling. Hafðu samband í síma 866-2796, Hrönn.

 Myndlistarsýningin "Heim að sumri" var opnuð 10. júlí sl.
í listaskálanum að Brúnum í Eyjafjarðarsveit
Á sýningunni verða verk þriggja systkina, Kristínar, Kristjáns og Eysteins frá Munkaþverá. Verkin eru frá löngu tímabili og eru af ýmsum toga, svo sem teikningar, grafík, vatnslitamyndir og þrívíð verk. Systkinin ólust öll upp á Munkaþverá fram á fullorðinsár þar sem foreldrar þeirra, Jón M. Júlíusson og Solveig Kristjánsdóttir, bjuggu á hluta jarðarinnar um langt skeið. Á sýningunni verður einnig sýnd stutt kvikmynd í lit sem nefnist "Kóngur í ríki sínu" og er hún um elsta bróðurinn í systkinahópnum, Einar Jónsson. Myndina gerði Valdimar Leifsson kvikmyndagerðarmaður 1999. Þá verður einnig sýnd stutt svarthvít kvikmynd sem Þrándur Thoroddsen kvikmyndargerðarmaður tók í Munkaþverárrétt haustið 1956. Hjónin Einar Gíslason og Hugrún Hjörleifsdóttir eiga og reka listaskálann á Brúnum sem er aðeins í 14 kílómetra fjarlægð frá Akureyri.