Auglýsingablaðið

Skrifstofa Eyjafjarðarsveitar verður lokuð frá kl. 13:00 föstudaginn 18. maí.

Sveitarstjórnarkosningar í Eyjafjarðarsveit 2018
Kjörstaður í Eyjafjarðarsveit verður í Hrafnagilsskóla laugardaginn 26. maí. Kjörfundur hefst kl. 10:00 og honum lýkur kl. 22:00.
Þeim sem eiga erfitt með gang er heimilt að aka út að skóla.
Á kjörstað gerir kjósandi grein fyrir sér með framvísun skilríkja eða á annan fullnægjandi hátt. Atkvæði verða talin á kjörstað eftir að kosningu lýkur. Á kjördegi hefur kjörstjórn aðsetur í Hrafnagilsskóla, sími 464-8100 eða 899-4935.
Kjörstjórnin í Eyjafjarðarsveit: Emilía Baldursdóttir, Ólafur Vagnsson, Níels Helgason.

Kjörskrá vegna sveitarstjórnarkosninga 26. maí 2018
Kjörskrá fyrir Eyjafjarðarsveit, vegna sveitarstjórnarkosninga 26. maí 2018, liggur frammi á skrifstofu Eyjafjarðarsveitar að Skólatröð 9 til kjördags, á venjulegum opnunartíma skrifstofunnar, sem er frá kl. 10:00-14:00 virka daga. Einnig er bent á vefinn www.kosning.is en þar er á auðveldan hátt hægt að nálgast upplýsingar um hvort og hvar einstaklingar eru á kjörskrá.

 
Lausar stöður í Hrafnagilsskóla
Kennari í hönnun og smíði
Óskum eftir að ráða grunnskólakennara til kennslu í hönnun og smíði að Hrafnagilsskóla í Eyjafjarðarsveit. Um er að ræða hálfa stöðu. Leitað er eftir kennara sem getur unnið að fjölbreyttum verkefnum úr margs konar efniviði. Hrafnagilsskóli hefur undanfarin ár unnið með skógarverkefni sem byggir m.a. á samþættingu smíða og hönnunar við aðrar greinar. Ráðið er í starfið frá 1. ágúst 2018.
Skólaliði og starfsmaður í frístund
Óskum eftir að ráða skólaliða og starfsmann í frístund að Hrafnagilsskóla. Ráðið er frá 15. ágúst 2018.
Leitað er eftir starfsmönnum sem:
• Sýna metnað í starfi.
• Vinna í góðri samvinnu við starfsfólk, nemendur og foreldra.
• Eru færir og liprir í samskiptum.
• Sýna sjálfstæði í vinnubrögðum.

Umsóknarfrestur er til 30. maí 2018. Nánari upplýsingar veita skólastjórar í síma 464-8100 og 699-4209 eða með netpósti á netföngin, hrund@krummi.is og bjork@krummi.is.

FRÁ LAUGALANDSPRESTAKALLI:
Á hvítasunnudag 20. maí kl. 11:00 verða eftirfarandi ungmenni fermd í Grundarkirkju:

Alexander Búi Þorvaldsson, Kristnesi 7
Andrea Björg Hlynsdóttir, Kvisti
Aron Máni Elmarsson, Jórunnarstöðum
Aron Þór Sigþórsson, Skólatröð 7
Einar Vilbjörn H. Stefánsson, Örk
Elías Bessi Örvarsson, Kristnesi 11
Elva Björk Óladóttir, Skógartröð 7
Erla Katrín Orradóttir, Garðsá
Guðrún María Aðalsteinsdóttir, Brekkutröð 7
Heiðmar Örn Sigmarsson, Laugartröð 11
Hildur Marín Gísladóttir, Brekkutröð 1
Írena Rut Sævarsdóttir, Öngulsstöðum 1
Járnbrá Karítas Guðmundsdóttir, Rökkurhöfða
Jóhann Ben Jóhannsson, Eyrarlandi 1
Karen Ylfa Jóhannsdóttir, Brekkutröð 3
Nerijus Pétur Þórarinsson, Stekkjarlæk
Svala Huld Jónsdóttir, Keilusíðu 7 A
Tinna Margrét Jóhannsdóttir, Brekkutröð 3

Sóknarprestur

Vantar þig myndefni úr lofti?
Ef svo er þá getur þú heyrt í mér. Er kominn með nýrri og öflugri dróna sem tekur myndir og myndbönd í bestu fáanlegu gæðum. Myndefnið má síðan nota í auglýsingar eða kynningarefni svo eitthvað sé nefnt. Einnig get ég unnið og klippt efnið eftir óskum. Hafðu samband í síma 848-7997 fyrir frekari upplýsingar.
Fannar Smári.

 
Opið á föstudag og laugardag milli kl. 18:30 og 21:00.
Sumarmatseðill.
Borðapantanir í síma 463-1500 eða á lambinn@lambinn.is

 
Ungmennafélagið Samherjar leitar að þjálfara til að sjá um þjálfun barna og ungmenna í sumar. Okkur vantar knattspyrnuþjálfara, sundþjálfara og þjálfara í frjálsar íþróttir. Umsóknir og spurningar óskast sendar á samherjar@samherjar.is. Stjórn Ungmennafélagsins Samherjar.

 Ágæti kjósandi!
Við viljum heyra í þér.
K-listinn býður í kaffi og spjall í Hólsgerði fimmtudagskvöldið 17. maí.
Áhugasamir sem vilja kynna sér frekar málefni listans eru hvattir til að koma og hitta frambjóðendur. K-listinn
X-K X-K X-K X-K X-K X-K X-K X-K X-K X-K X-K X-K X-K X-K X-K

Tún til afnota
Erum með tún til afnota að Gilsá 1 í sumar. Upplýsingar fást í síma 462-5958 seinniparta eða um kvöld. Laufey og Jóhann

Íbúar Hrafnagilshverfis
Vegna minningarhlaups Ólivers, Síðasti hringurinn, þann 22. maí má búast við umferðartöfum eða lokunum í Laugartröð og götunum í kring frá kl. 16:00 og framundir kvöldmat. Biðjum við fólk að sýna þessu skilning.
Skrifstofa Eyjafjarðarsveitar

Reiðskólinn í Ysta-Gerði - Reiðnámskeið sumarið 2018
Ath! einungis 5 komast að í hvern hóp!
Bjóðum upp á reiðkennslu í litlum hópum. Kennarinn er menntaður reiðkennari frá Háskólanum á Hólum. Kennslan fer fram í gerði og úti í náttúrunni.
18.-21. júní, kl. 9:00-12:00 eða kl. 13:00-16:00.
25.-28. júní, kl. 9:00-12:00 eða kl. 13:00-16:00.
16.-19. júlí, kl. 9:00-12:00 eða kl. 13:00-16:00.
23.-26. júlí, kl. 9:00-12:00 eða kl. 13:00-16:00.
Verð: 28.000 kr. Skráning: sara_arnbro@hotmail.com.

Ert þú í ferðamennsku af einhverju tagi?
Ertu meðlimur í Ferðamálafélagi Eyjafjarðarsveitar?
Ef ekki, þá er tilvalið að skrá sig í félagið núna þar sem við erum að fara af stað með samstarfsverkefni við Símey og Hæfnisetur ferðaþjónustunnar. Hægt er að senda póst á netfangið sigridurasny@gmail.com.
Kynning á verkefninu verður í lok maí (nánar auglýst síðar).
Við vonum að sem flestir komi og taki þátt í þessu spennandi verkefni með okkur.
Félagsgjöld í félaginu eru 10.000.- kr. á ári.
Sumarkveðja frá nýrri stjórn félagsins,
Sigga Rósa, Sigga Sólarljós, Sesselja og Hrefna.

 Ágætu sveitungar
Sumaropnun Smámunasafns Sverris Hermannssonar er hafin. Tvær nýjar sérsýningar verða hjá okkur í sumar. Ýmsar breytingar hafa verið gerðar á kaffistofunni í vetur sem vert er að koma og skoða 😊
Eins og ávallt eru ljúffengar sveitavöfflur og rjúkandi kaffi á boðstólnum.
Opið alla daga frá kl. 11:00-17:00.
Verið hjartanlega velkomin, stúlkurnar á Smámunasafninu.

 Snyrtistofan Sveitasæla
Allar helstu snyrtimeðferðir í boði í notalegu umhverfi í sveitinni.
Er með hágæðavörur frá Comfort Zone. Þær vörur eru án parabena, mineral olíu, silikons, litarefna, dýraafurða og MIT (rótvarnarefnis).
Gjafabréf til sölu, þú velur ákveðna meðferð eða upphæð að eigin vali. Tilvalin gjöf við öll tækifæri. Best er að hringja í mig ef þið viljið nálgast gjafabréf.
Tímapantanir í síma 833-7888 Milli kl. 9:00-17:00 á daginn. Eftir kl. 17:00 svarar símsvari og þá er um að gera að tala inná hann og ég mun hafa samband við fyrsta tækifæri.
Elín Halldórsdóttir snyrtifræðingur og danskennari.

 Volare – vörur fyrir húð og hár!
Nýr bæklingur er kominn út, hafðu samband og fáðu eintak. Tek á móti pöntunum í síma 866-2796 og í skilaboðum á facebook; Hrönn Volare. Panta á sunnudögum kl. 22:00 og vörurnar koma miðvikudaginn á eftir.

Gönguferðir eldri borgara - GEYMIÐ AUGLÝSINGUNA.
Þá er komið að því. Eftir líflegt og skemmtilegt vetrarstarf, er nú komið að gönguferðunum.
Fyrsta ganga að þessu sinni verður 15. maí, þriðjudag, kl. 20:00 og gengið fram á Melgerðismelum. Mæting við hliðið.
22. maí – Fellur niður.
29. maí – Glerá-mæting við möl og sand.
5. júní – Fellur niður.
12. júní – Svalbarðsströnd – mæting niður við sjó.
19. júní – Kristnes – mæting við Kristnes.
26. júní – Naustaborgir – mæting... skoðum síðar.😃
3. júlí – Eyjafj.bakkar – mæting austan Þverbrautar.
10. júlí – Djúpadalsá – mæting við Stöðvarhús.
17. júlí – Möðruvallarhringur – mæting við Hríshólsafleggjara.
24. júlí – Grundarskógur.
31. júlí – Listigarðurinn – mæting við efra hlið að sunnan.
7. ágúst – Innbærinn – mæting við Skautahöllina.
14. ágúst – Granastaðir – mæting... skoðum síðar.😃
21. ágúst – Kjarnaskógur – mæting við aðstöðuhús.
28. ágúst – Eyjafj.bakkar – mæting austan Þverbrautar.
Birt með fyrirvara um breytingar.
Verum dugleg að mæta, og alltaf er von um hressingu í lok göngu.
Höfum gaman saman, ungir sem aldnir. Nánari upplýsingar veita: Sveinbjörg s. 846-3222, Ingibjörg s. 463-1114, Guðný s. 848-5765 og Hildur s.8974333.
Sjáumst, göngunefndin.