Sveitarstjórnarkosningar í Eyjafjarðarsveit 2018 - móttaka framboðslista
Kjörstjórn Eyjafjarðarsveitar tekur við framboðslistum vegna komandi sveitarstjórnarkosninga á skrifstofu sveitarfélagsins að Skólatröð 9 efri hæð laugardaginn 5. maí 2018 milli kl. 10:00 og 12:00. Um fjölda frambjóðenda, meðmælenda og önnur formsatriði við framlagningu lista vísast til laga um kosningu sveitarstjórna, sjá kosning.is Ef enginn fullgildur framboðslisti berst verður kosning óbundin. Ef aðeins einn fullgildur framboðslisti berst er framboðsfrestur framlengdur um tvo sólarhringa. Komi ekki fram nýr framboðslisti innan þess tíma verður framkominn framboðslisti sjálfkjörinn.
Kjörstjórn Eyjafjarðarsveitar: Emilía Baldursdóttir, Níels Helgason, Ólafur Vagnsson.
Gámasvæðið hefur verið flutt norðar. Keyrt er að því niður Bakkatröð og niður á árbakkann. Opnunartími óbreyttur kl. 13-17 á þriðjudögum, föstudögum og laugardögum.
Frá Félagi aldraðra
Síðasti starfsdagur vetrarins verður þann 8. maí nk. En allra síðasta samvera verður í Félagsborg á uppstigningardag 10. maí kl. 13.30 - þá ætlar Gunnar Jónsson að koma og halda annan fyrirlestur um sögustaði í Eyjafirði.
Stjórn og skemmtinefnd.
Plokkað í Eyjafjarðarsveit
Frábær fjölskylduafþreying í okkar dásamlegu sveit og hreinu náttúru.
Umhverfisnefnd vill hvetja sveitunga sína til þátttöku í hreinsunarátaki í maí: „Plokkað í Eyjafjarðarsveit“. Hvatt er til að plokkað verði meðfram vegum, girðingum og skurðum og tilvalið er að hafa með sér spaða til að stinga upp kerfil í leiðinni, sem er byrjaður að sýna sig.
Tökum höndum saman í tilefni af degi jarðarinnar 22. apríl s.l. og degi umhverfisins 25. apríl s.l. og nýtum göngu, hlaup eða hjólreiðar til að fegra umhverfið og vernda náttúruna.
Vorkveðja frá umhverfisnefnd, með von um frábært „plokk“ 😊
Maí-dagskrá á Lamb Inn
4. maí Pizzahlaðborð, verð kr. 2.200 á mann, 1.100 fyrir 10 ára og yngri.
5. maí Kótelettukvöld, þetta eina sanna, verð kr. 4.900.-
11. og 12. maí – Hlaðborð með sýnishornum af matseðli sumarsins
18. og 19. maí – Veitingastaðurinn opinn, sumarmatseðill
24. og 25. maí – Veitingastaðurinn opinn, sumarmatseðill
31. maí – Dagleg opnun veitingastaðarins hefst
Borðapantanir í síma 463 1500 og á netfanginu lambinn@lambinn.is.
Snyrtistofan Sveitasæla – er á Lamb Inn, Öngulsstöðum 3 😊
Verið tímanlega að panta snyrtingu fyrir ferminguna.
Allar helstu snyrtimeðferðir í boði í notalegu umhverfi í sveitinni.
Er með hágæðavörur frá Comfort Zone. Þær vörur eru án parabena, mineral olíu, silikons, litarefna, dýraafurða og MIT (rótvarnarefnis).
Gjafabréf til sölu, þú velur ákveðna meðferð eða upphæð að eigin vali.
Tilvalin gjöf við öll tækifæri. Best er að hringja í mig ef þið viljið nálgast gjafabréf.
Tímapantanir í síma 833-7888 milli kl. 9:00-17:00 á daginn. Eftir kl. 17:00 svarar símsvari og þá er um að gera að tala inná hann og ég mun hafa samband við fyrsta tækifæri.
Elín Halldórsdóttir, snyrtifræðingur og danskennari.
