Bændadagur í Eyjafjarðará fyrir júlí 2017, þar sem landeigendur og fjölskyldur þeirra hafa heimild til að veiða fyrir sínu landi er 11. júlí. Veiðireglur eru:
Sleppa verður ÖLLUM veiddum bleikjum á veiðisvæðum 3, 4 og 5.
Heimilt er að hirða 1 bleikju undir 50 cm. á vakt á svæðum 0, 1 og 2.
Heimilt að hirða 2 urriða/sjóbirtinga á stöng á vakt á öllum svæðum.
Æskulýðsdagar Norðurlands eru að vanda þriðju helgina í júlí, að þessu sinni dagana 15.-17. júlí. Ef einhverjir eiga eftir að skrá sig þá er síðasti skráningardagur fimmtudaginn 13. júlí. Skráningu má senda á netfangið annasonja@gmail.com. Ítarlega dagskrá má sjá á heimasíðu Funa www.funamenn.is.
Æskulýðsnefnd hestamannafélagsins Funa.
Reiðnámskeið fyrir byrjendur verður haldið á Melgerðismelum dagana 19.–21. júlí. Námskeiðið er á vegum hestamannafélagsins Funa og er þáttakendum að kostnaðarlausu. Kennt verður í tveimur hópum, aldursskipt, annarsvegar kl. 13:00 og hins vegar kl. 14:00. Hestar og reiðtygi verða á staðnum og einhverjir hjálmar en gott er að þeir sem eiga hjálma sem passa vel mæti með þá, hvort sem það eru reiðhjálmar eða hjólahjálmar Anna Sonja Ágústsdóttir verður leiðbeinandi námskeiðsins og má skrá sig hjá henni á netfangið annasonja@gmail.com eða fá upplýsingar í síma 846-1087. Aðeins 6 nemendur komast að í hvorn hóp – fyrstir skrá fyrstir fá
- Æskulýðsnefnd Funa
Markaður og skottsala verður á flötinni við Teig (þar sem áður var Gallerýið í sveitinni), sunnudaginn 16. júlí frá kl. 12-16. Öllum er frjálst að taka þátt en gott væri að láta vita af þátttöku. Það kostar ekkert en fólk verður sjálft að leggja til borð og/eða annan útbúnað sem það vill. Það verður kaffi á könnunni í vinnustofunni. Allir hjartanlega velkomnir.
Gerða í Teigi.
Frá Félagi aldraðra í Eyjafirði
Félagar úr Félagi eldri borgara á Dalvik, koma og taka þátt í kvöldgöngunni, þriðjudaginn 18. júlí. Gengið Eyjafjarðarárbakkana það kvöld og drukkið kaffi í Félagsborg á eftir. Fyrirhuguð ganga frá Vatnsenda frestast og verður auglýst síðar. Sem sagt, 18. júlí hittumst við austan við brúna á Miðbraut og göngum líklega í suður. Þá er bara að mæta og eiga skemmtilega kvöldstund með félögum okkar úr Dalvíkurbyggð.
Göngunefndin. Inga, Sveinbjörg, Guðný og Hildur.
ÚTBOÐ
HJÓLREIÐA- OG GÖNGUSTÍGUR,
EYJAFJARÐARSVEIT
1. ÁFANGI
Eyjafjarðarsveit óskar eftir tilboðum í verkið Hjólreiða- og göngustígur í Eyjafjarðarsveit. Verkið felur í sér lagningu 7.200 metra hjólreiða- og göngustíg, frá bæjarmörkum Akureyrar að Hrafnagili, ásamt lengingu stálröraræsa, endurnýjun og gerð nýrra ræsa undir stíg og lagfæringar á girðingum.
Nokkrar magntölur:
- Gröftur: 7.000 m³
- Efra burðarlag: 10.700 m³
- Neðra burðarlag: 12.700 m³
- Girðingar: 1.700 m
Verklok eru 1. desember 2017.
Útboðsgögn verða afhent með rafrænum hætti. Þeir sem óska eftir útboðsgögnum sendi beiðni á tölvupóstfangið esveit@esveit.is ásamt nafni, heimilisfangi og síma.
Kynningarfundur fyrir verktaka verður á skrifstofu Eyjafjarðarsveitar mánudaginn 17. júlí 2017, kl. 11:00
Tilboðum skal skila á Skrifstofu Eyjafjarðarsveitar, Skólatröð 9, 601 Akureyri fyrir kl.11:00, 31. Júlí 2017, en þá verða þau opnuð að viðstöddum þeim bjóðendum, sem þess óska.
Skrifstofa Eyjafjarðarsveitar
