Auglýsingablaðið

Frá Félagi aldraðra í Eyjafirði
Aðalfundur félagsins er næsta laugardag: 18. febrúar kl. 13:30. Venjuleg aðalfundarstörf. Nýir félagar velkomnir.
Vatnsleikfimi, fyrir 60 ára og eldri, er í endurhæfingarlauginni í Kristnesi á miðvikudögum kl. 15:00.
Stjórnin

Frá Laugalandsprestakalli
Messa sunnudaginn 19. febrúar kl. 11:00.
Þessi athöfn er sérdeilis ætluð fermingarbörnum og foreldrum þeirra en auðvitað eru allir velkomnir.
Bestu kveðjur í sveitina, Hannes

Félagar í Kirkjukór Laugalandsprestakalls
Aðalfundur Kirkjukórs Laugalandsprestakalls verður í lok æfingar mánudagskvöldið 27. febrúar næstkomandi.
Dagskrá samkvæmt samþykktum félagsins.
Stjórnin

Aðalfundur
Kvenfélagið Aldan- Voröld heldur aðalfund sinn í Félagsborg laugardaginn 4. mars 2017 kl. 12:00
Á dagskrá eru venjuleg aðalfundarstörf. Boðið verður upp á súpu og eitthvað gott.
Nýjar konur ávallt velkomnar til að kynna sér starfsemi kvenfélagsins.
Hlökkum til að sjá sem flestar konur.
Stjórnin

Vatnsveitufélag Kaupangssveitar
Aðalfundur félagsins verður haldinn í Kaupangskirkju miðvikudaginn 22. febrúar nk., kl. 20:30. Aðalfundarstörf samkvæmt stofnsamþykktum félagsins.
Stjórnin

Folaldasýning Hrossaræktarfélagsins Náttfara
Fyrirhugað er að halda folaldasýningu sunnudaginn 26. febrúar nk. í Melaskjóli á Melgerðismelum. Dómari verður Eyþór Einarsson en fyrirkomulagið verður þannig að hann dæmir sköpulag folaldanna fyrir hádegi (ath.folöld þurfa að vera komin í hús kl.11:00) og eftir hádegi – kl.13:00 – verður sjálf sýningin. Verðlaun verða veitt fyrir þrjú efstu folöld í hryssu- og hestaflokki auk þess sem áhorfendum býðst að velja glæsilegasta folaldið. Þá gefst færi á að skrá til leiks ungfola fædda 2014 og 2015. Veitingasala verður í Funaborg, opið hús þar í hádeginu.
Skráning fer fram um netfangið holsgerdi@simnet.is eða í síma 857-5457 í síðasta lagi fimmtudagskvöldið 23. febrúar. Við skráningu skal gefa upp nafn, lit, foreldra, ræktanda og eiganda folaldsins.
Sigríður Hólsgerði - Rósa Halldórsstöðum - Þorvaldur Ysta-Gerði

Kundalini jóga með Þóru
Jóga fyrir alla – konur og karla:
Á fimmtudögum kl 10:00 – 11:15 og kl. 16:30 – 17:45 gerum við mjúkar og liðkandi æfingar fyrir líkama og sál. Farið verður rólega af stað og smám saman verða æfingarnar aðeins meira krefjandi. Allir tímar enda á góðri slökun. Ef þér finnst erfitt að sitja með krosslagða fætur þá er ekkert mál að sitja á stól. Stressaðir og/eða stirðir karlar á öllum aldri eru boðnir sérstaklega velkomnir.
Hægt er að kaupa 10 miða kort á 15.500 kr. og stakur tími kostar 1.700 kr.
Tímabil: 16. febrúar – 1. maí . Prufutímar 16. febrúar.

Konutímar:
Opnir jógatímar fyrir konur verða áfram á mánudags- og miðvikudagsmorgnum
kl. 9:30 – 10:45. Mjúkt og nærandi jóga þar sem konan í öllu sínu veldi er í öndvegi.
Hægt er að kaupa 10 miða kort á 15.500 kr. og stakur tími kostar 1.700 kr.
Tímabil: 16. febrúar – 1. maí . Prufutími 15. febrúar.

Yoga te og spjall eftir hvern tíma.
Hlakka til að stunda jóga með ykkur í fallegu og hlýlegu jógastofunni minni á Jódísarstöðum 4 í Eyjafjarðarsveit.
Hlý kveðja, Þóra