Fundur sveitarstjórnar Eyjafjaraðrsveitar
Fundur sveitarstjórnar verður haldinn miðvikudaginn 18.maí kl. 15 í fundarstofu 2, Skólatröð 9.
Aðstoðarleikskólastjóri fyrir leikskólann Krummakot
Eyjafjarðarsveit óskar eftir að ráða aðstoðarleikskólastjóra fyrir leikskólann Krummakot. Um er að ræða 100% stöðu frá 8. ágúst 2016. Leitað er að einstaklingi sem er framsýnn í skólamálum og býr yfir góðri leiðtoga- og samskiptahæfni.
Menntunar- og hæfniskröfur:
-Leyfisbréf sem leikskólakennari.
-Framhaldsmenntun á sviði stjórnunar og/eða reynsla af stjórnun er æskileg.
-Reynsla af kennslu, deildarstjórn og vinnu með börnum.
-Leiðtogahæfileikar, metnaður, hugmyndaauðgi og skipulagshæfni.
-Framúrskarandi hæfni í samskiptum.
Krummakot vinnur markvisst að því að jafna stöðu kynjanna á vinnustaðnum og hvetur karla jafnt sem konur að sækja um starfið. Það er til samræmis við jafnréttislög nr. 10/2008.
Launakjör eru samkvæmt kjarasamningi Félags stjórnenda í leikskólum og Launanefndar sveitarfélaga.
Upplýsingar um starfið veitir Hugrún Sigmundsdóttir leikskólastjóri í símum 464 8120 og 892 7461 eða í gegnum netfangið hugruns@krummi.is. Umsókn skal fylgja ferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið. Einnig nöfn meðmælenda sem hafa má samband við.
Umsóknarfrestur er til og með 30. maí. Umsóknum skal skilað á netfangið krummakot@krummi.is
Grunnskólakennari
Óskum eftir að ráða grunnskólakennara að Hrafnagilsskóla í Eyjafjarðarsveit. Ráðningin er tímabundin í eitt ár. Um er að ræða 100% kennarastöðu á unglingastigi og ráðið er frá 1. ágúst 2016. Hrafnagilsskóli er grunnskóli í dreifbýli u.þ.b. 12 km. fyrir innan Akureyri og eru u.þ.b. 150 nemendur í skólanum. Uppeldisstefna Hrafnagilsskóla er Jákvæður agi og lögð er áhersla á teymisvinnu.
Í starfinu felst:
• Umsjón í 10. bekk.
• Íslenskukennsla á unglingastigi og kennsla í öðrum námsgreinum.
• Kennsla í sérdeild unglingsstúlkna.
Leitað er eftir kennara sem:
• Hefur kennaramenntun.
• Sýnt hefur árangur í starfi.
• Lagar kennslu- og starfshætti markvisst að þörfum nemenda.
• Sýnir metnað fyrir hönd nemenda.
• Er í góðri samvinnu við foreldra og allt starfsfólk.
• Er fær og lipur í samskiptum.
• Býr yfir frumkvæði og skipulagsfærni og sýnir sjálfstæði í vinnubrögðum.
Umsóknarfrestur er til 23. maí 2016.
Nánari upplýsingar veitir Hrund Hlöðversdóttir skólastjóri í símum 464-8100 og 699-4209 eða á netfangið hrund@krummi.is.
Heimasíða Hrafnagilsskóla er www.krummi.is
Leikskólinn Krummakot óskar eftir að ráða starfsmann í ræstingar
Um er að ræða 50% starf frá 1. júní - 8. júlí. Vinnutími er á dagvinnutíma, frá kl. 9:00 - 13:00 eða 10:00 – 14:00 eftir samkomulagi.
Óskað er eftir jákvæðum, traustum og vandvirkum einstaklingi sem á auðvelt með samskipti og sveigjanleika í starfi.
Launakjör eru samkvæmt kjarasamningi Einingar-Iðju og Launanefndar sveitarfélaga.
Umsókn skal fylgja ferilskrá og nöfn meðmælenda sem hafa má samband við.
Umsóknarfrestur er til 20. maí n.k.
Allar nánari upplýsingar veitir Hugrún Sigmundsdóttir leikskólastjóri í síma 464-8120/ 892-7461, netfang hugruns@krummi.is
Vorfundur kvenfélagsins Iðunnar
Verður laugardaginn 21. maí kl. 11 í Félagsborg. Veitingar verða í boði 1. flokks.
Eftir venjulega fundarstörf mun Dóróthea Jónsdóttir heiðra okkur með nærveru sinni og kynna fyrir okkur bókina sína Bleikur barmur – barátta mín við krabbamein.
Mætum hressar og sem flestar. Nýjar konur ávallt velkomnar.
Vorkveðjur, stjórnin.
Fermingarmessur
Fermingarmessa í Grundarkirkju Hvítasunnudag 15 maí. kl. 11.00
Prestur séra Guðmundur Guðmundsson.
Fermd verða: Aldís Lilja Sigurðardóttir, Alex Breki Elmarsson, Birta Rún Randversdóttir, Eva Líney Reykdal, Hinrik Örn Brynjólfsson, Kristbjörg Heiða Kristjánsdóttir, Ólafur Tryggvason, Sigrún Hekla Sigmundsdóttir, Vigfús Már Hlynsson, Þóra Kolbrún Jóhannsdóttir, Þórdís Birta Arnarsdóttir.
Fermingarmessa á Munkaþverá Hvítasunnudag 15 maí. kl. 13.30
Prestur séra Guðmundur Guðmundsson.
Fermd verða: Halldór Smári Karlsson og Hulda Siggerður Þórisdóttir.
Laugardaginn 14 maí. kl.10.30 er fermt í Kaupangskirkju
Prestur séra Guðmundur Guðmundsson.
Fermingarbarn er Aron Máni Sverrisson.
Ágætu sveitungar
Nú líður óðum að opnun Smámunasafnsins. Síðasti dagur í vetraropnun er föstudagurinn 13. maí og fyrsti dagur sumaropnunar er laugardagurinn 14. maí.
Við ætlum einnig að taka upp þráðinn þar sem frá var horfið og hafa Hannyrðakaffið á fimmtudögum frá kl. 13-17.
Verið hjartanlega velkomin að skoða einstakt safn og njóta góðra veitinga á kaffistofu safnsins.
Sumarkveðjur, stúlkurnar á Smámunasafninu.
Ferðamálafélag Eyjafjarðarsveitar-kynningarfundur
Ferðamálafélag Eyjafjarðarsveitar boðar til kynningarfundar um stofnum matvælaklasa í Eyjafjarðarsveit, miðvikudaginn 18. maí kl. 21.00 á Lamb Inn Öngulsstöðum. Frummælendur verða Laufey Haraldsdóttir lektor í Háskólanum á Hólum (frá Víðigerði), Arnar Árnason Hranastöðum, formaður Landssambands kúabænda, Garðar Kári Garðarsson, Jódísarstöðum, landsliðskokkur og yfirmatreiðslumaður á Strikinu og Karl Jónsson Öngulsstöðum, formaður Ferðamálafélags Eyjafjarðarsveitar. Þau fjögur munu svo setjast í pallborð og taka við spurningum og ræða þessa hugmynd nánar.
Allir áhugamenn um matvælavinnslu í héraði eru hvattir til að mæta, hvort sem þeir eru stórir í faginu eða sinna prívat framleiðslu heima hjá sér.
Stjórn Ferðamálafélags Eyjafjarðarsveitar.
Gönguferðir eldri borgara.
Þá er komið að því.Fyrsta ganga sumarsins verður þriðjudaginn24 maí, kl.20 og
verður þá gengið eftir austurbakka Eyjafjarðarár frá Þverbraut.
31. maí-Melgerðismelar
14. júní-Svalbarðseyri.
21. júní-Reykhúsaskógur.
28. júní-Krossanesborgir.
5. júlí- Leyningshólar.
12. júlí- Djúpadalsá
19. júlí- Innbær.
26. júlí- Grundarskógur.
2. ágúst- Núpufellsháls.
9. ágúst- Lystigarðurinn.
16. ágúst- Hólavatn.
23. ágúst- Glerá.
30. ágúst- Flugvallarvegur.
Verum dugleg að mæta,og liðka okkur eftir veturinn,höfum gaman saman.Allir velkomnir,ungir sem aldnir. Nánari upplýsingar veita Sveinbjörg í síma 8463222 og Inga í síma 4631114.
Göngunefndin
Kynningarfundur um efnisnámu í Hvammi
Í samræmi við 4. mgr. 40. gr. skipulagslaga nr. 123/2010, boðar sveitarstjóri til almenns kynningarfundar um tillögu að deiliskipulagi efnisnámu í landi Hvamms, Eyjafjarðarsveit.
Kynningarfundurinn verður haldinn í fundarherbergi á skrifstofu Eyjafjarðarsveitar, Skólatröð 9, 2. hæð þriðjudaginn 17. maí kl. 16:10 -17:00. Á fundinum mun fulltrúi frá Teiknistofu Arkitekta sem unnið hefur deiliskipulagstillöguna kynna hana og svara spurningum.
Heimavöllur ehf. hefur látið vinna tillögu að deiliskipulagi sem snýr að aðkomuvegi og efnistökusvæði í landi Hvamms. Forsendur þess liggja fyrir í Aðalskipulagi Eyjafjarðarsveitar 2005-2025 m.s.br. Um er að ræða klapparnámu allt að 120.000 m3. Skipulagssvæðið er um 35 ha að flatarmáli. Í deiliskipulaginu verður efnistökusvæðið afmarkað og settir skilmálar um dýpt þess og frágang. Einnig verður skipulögð aðkomuleið að námunni og fjósinu í Hvammi. Áhersla verður lögð á að framkvæmdin skapi sem minnst óþægindi fyrir nágranna og gerð verður áætlun um mögulegar mótvægisaðgerðir verði þess þörf. Að frágangi loknum skal náman falla vel að umhverfi sínu og ummerki um hana verði sem sem minnst.
Kynningargögn verða aðgengileg á skrifstofu Eyjafjarðasveitar í framhaldi af fundinum.
Sveitarstjóri.
