Fundur sveitarstjórnar Eyjafjarðarsveitar
Fundur sveitarstjórnar verður haldinn miðvikudaginn 16. mars kl. 15 í
fundarstofu 2, Skólatröð 9.
Tillaga að breytingu á aðalskipulagi Eyjafjarðarsveitar
Gönguleið og reiðleið frá Akureyri að Hrafnagilshverfi
Sveitarstjórn Eyjafjarðarsveitar auglýsir hér með tillögu að breytingu á aðalskipulagi Eyjafjarðarsveitar 2005-2025 skv. 1. mgr. 36. gr. skipulagslaga nr. 123/2010.
Breytingin felst í því að legu gönguleiðar GL-1 og reiðleiðar HL-1 (héraðsleið) sem liggja frá Akureyri að Hrafnagilshverfi er breytt á hluta leiðarinnar.
Tillagan mun liggja frammi á skrifstofu sveitarfélagsins að Skólatröð 9 og hjá Skipulagsstofnun Laugarvegi 166 í Reykjavík frá 9. mars til og með 20. apríl 2016. Tillagan verður einnig aðgengileg á heimasíðu Eyjafjarðarsveitar á www.esveit.is.
Hverjum þeim sem telur sig eiga hagsmuna að gæta er þannig gefinn kostur á að kynna sér tillöguna og gera athugasemd við hana. Athugasemdir skulu vera skriflegar og berast á skrifstofu Eyjafjarðarsveitar að Skólatröð 9, 601 Akureyri, eða á netfangið esveit@esveit.is í síðasta lagi þann 20. apríl 2016.
Skipulagsfulltrúi Eyjafjarðarsveitar
Sóknarnefndarfundur Saurbæjarsóknar
Sóknarnefndarfundur Saurbæjarsóknar verður haldinn 17. mars n.k. kl. 10.30 í Hleiðargarði. Sóknarnefndarbörn eru hvött til að mæta. Kaffi og meðlæti.
Kveðja,
sóknarnefnd
Nú sitjum við í súpunni á Lamb Inn!
Verðum með eilítið súpuhlaðborð og smárétt í vetraropnuninni okkar á föstudagskvöldið.
Súpuhlaðborð; púrtvínslöguð sveppasúpa og matarmikil kjúklingasúpa og brauð kr. 1.990 á manninn, 50% fyrir 5-10 ára og frítt fyrir yngri en 5 ára.
Smáréttur með skemmtilegu smakki af laxarúllu, beikonvöfðum ostafylltum döðlum, kjúklingaspjóti og snittu á kr. 990.
Tilvalið fyrir þá sem hafa aldrei setið í súpunni!
Opið milli kl. 18 og 20. Borðapantanir í síma 463 1500 eða á netfanginu lambinn@lambinn.is
Lamb Inn Öngulsstöðum
Laugardaginn 12. mars kl. 11 fer fram útför mæðginanna Ingibjargar Pálsdóttur og Jens Kristjánssonar í Munkaþverárkirkju. Jarðsett verður í kyrrþey.
Sóknarprestur
Árshátíð miðstigs 2016
Árshátíð miðstigs Hrafnagilsskóla verður haldin í Laugarborg, fimmtudaginn 10. mars og hefst kl. 20.
Boðið verður upp á tónlistaratriði frá Tónlistarskóla Eyjafjarðar og nemendur í 5., 6. og 7. bekk sýna stytta útgáfu af leikritinu „Konungi ljónanna“.
Að loknum skemmtiatriðum verður boðið upp á hressingu og síðan verður stiginn dans undir stjórn Elínar Halldórsdóttur eins og henni er einni lagið.
Skemmtuninni lýkur kl. 22.30. Aðgangseyrir er 700 kr. fyrir grunnskólanemendur, 1.400 kr. fyrir eldri og frítt fyrir þá sem hafa ekki náð grunnskólaaldri.
Allur ágóði rennur til nemenda, bæði til að greiða lyftugjöld í skíðaferð og einnig fá 7. bekkingar niðurgreiðslu þegar þeir fara í skólabúðirnar á Reykjum.
Athugið að ekki er posi á staðnum.
Veitingar eru innifaldar í verðinu og sjoppa verður á staðnum.
Allir eru hjartanlega velkomnir.
Nemendur 5.-7. bekkjar Hrafnagilsskóla
Úrvalsrækjur og fiskibollur
Næstu daga heimsækjum við heimili í Eyjafjarðarsveit og tökum niður pantanir í fiskibollur frá Ektafiski og úrvalsrækjur frá Dögun, sem við seljum til fjáröflunar fyrir ferðasjóð 10. bekkjar. Um er að ræða 1 kg pakkningar (frosið). Verð á pakkningu af fiskibollum er 1.500 kr. og 3.000 kr. pakkningin af rækjum. Við afgreiðum síðan pantanirnar til kaupenda dagana 17. -20. mars.
Þetta eru góðar vörur sem er tilvalið að eiga í frystinum fyrir páskana, vorið og sumarið.
Með bestu kveðjum,
fjáröflunarráð ferðasjóðs 10. bekkjar Hrafnagilsskóla
Menningararfur Eyjafjarðarsveitar
Fundur verður haldinn í Félagsborg laugardaginn 12. mars kl. 10. Áframhald verður á umræðunni um hernámið í Eyjafjarðarsveit. Gaman væri að sjá flesta þeirra sem eitthvað muna frá þessum tíma eða búa yfir heimildum um hernámið.
Allir eru alltaf velkomnir á fundi um menningararfinn.
Fundarstjóri
Vatnsleikfimi í Hrafnagilslaug
Ég skora á alla þá sem gaman hafa af því að hreyfa sig í vatni að mæta kl. 17 mánudaginn 14. mars í Hrafnagilslaug því þá hefst vatnsleikfimin. Þetta verða tíu skipti í allt, tæpur klukkutími í senn á mánudögum og fimmtudögum kl. 17.
Verðið er kr. 4.100 sem greiðist í afgreiðslu sundlaugar og er aðgangur að lauginni innifalinn.
Nú er tækifærið bæði fyrir þá sem eru lítt vanir að hreyfa sig og þá sem eru meira vanir að hreyfa sig að koma og takast á við áskoranir við allra hæfi. Nánari upplýsingar fást í síma 462-1000.
Hlakka til að sjá ykkur,
Kata sjúkraþjálfari.
Aðalfundur Funa
Aðalfundur Funa verður haldinn í Funaborg á Melgerðismelum fimmtudaginn
17. mars kl. 20.30.
Dagskrá: Venjuleg aðalfundarstörf, lagabreytingar, önnur mál.
Stjórnin.
