Fundur sveitarstjórnar Eyjafjarðarsveitar
Fundur sveitarstjórnar verður haldinn miðvikudaginn 24. febrúar kl.15.00 í
fundarstofu 2, Skólatröð 9.
Kvenfélagið Aldan-Voröld
Aðalfundur kvenfélagsins Aldan-Voröld verður haldinn þriðjudaginn 1. mars klukkan 19.00 í Félagsborg. Boðið verður upp á súpu, brauð og kaffi.
Dagskrá: venjuleg aðalfundarstörf og skemmtilegur og fræðandi fyrirlestur verður einnig í boði.
Konur eru hvattar til að ganga í félagið og láta gott af sér leiða, fyrst og fremst fyrir nærsamfélagið.
Hlökkum til að sjá ykkur sem flestar.
Stjórnin
Frá Laugarnesprestkalli
Messa í Möðruvallakirkju sunnudaginn 21.febrúar kl.11:00.
Við munum biðja fyrir sveitungum sem eiga erfitt.
Sóknarprestur
Opinn dagur á Finnastöðum
Nú er tækifærið til þess að koma og kynnast því hvað Sólarljósið hefur upp á að bjóða. Opin dagur á Finnastöðum, í litla rauða húsinu, kl 13 - 16 Laugardaginn 20 febrúar 2016. Klukkan 14:00 verður gengið upp að Jarðarhjólinu (The Medicine wheel) nánari upplýsingar í síma 863-6912 og sigriduransy@gmail.com.
Sigríður Ásný Sólarljós Ketilsdóttir
Aðalfundur umf. Samherja - Fundarboð
Aðalfundur umf. Samherja verður haldinn 1. mars næstkomandi kl. 18:00 í stofu 7 í Hrafnagilsskóla. Venjuleg aðalfundarstörf. Allir hjartanlega velkomnir.
Stjórn umf. Samherja
„Verndum þau“ námskeið
UMSE mun í samstarfi við Æskulýðsvettvanginn standa fyrir námskeiðinu Verndum þau á Hrafnagili og Dalvík.
24. febrúar í Hrafnagilsskóla kl. 17:00 til 20:00.
25. febrúar í Dalvíkurskóla kl. 17:00 til 20:00.
Á námskeiðinu fjallar Þorbjörg Sveinsdóttir, starfsmaður Barnahúss og annar höfunda bókarinnar Verndum þau, um:
• tilkynningarskyldu starfsmanna sem vinna með börnum og unglingum.
• líkamlegt, andlegt og kynferðislegt ofbeldi og vanrækslu hvers konar.
• úrræði sem í boði eru í samfélaginu fyrir börn
Námskeiðið tekur um 3 klst. og er ætlað öllum þeim sem starfa með börnum og unglingum hjá sveitarfélögum, íþróttafélögum, æskulýðsfélögum og öðrum þeim sem áhuga hafa.
Skráningarfrestur er til þriðjudagsins 23. febrúar. Námskeiðið er þátttakendum að kostnaðarlausu. Skráning fer fram hjá skrifstofu UMSE í tölvupósti umse@umse.is eða síma: 868-382
Nánari upplýsingar gefur skrifstofa UMSE.
