Bílaviðgerðir
Tek að mér viðgerðir og viðhald á flestum bílum og landbúnaðartækjum með aðstöðu á Holtseli.
Frekari upplýsingar í síma 891-7943.
Knútur
Félagar í Kirkjukór Laugalandsprestakalls
Aðalfundur Kirkjukórs Laugalandsprestakalls verður í lok æfingar mánudagskvöldið 29. febrúar næstkomandi.
Dagskrá samkvæmt samþykktum félagsins.
Stjórnin
Yoga og spa á Knarrarbergi
Við þökkum fyrir frábærar móttökur síðastliðinn laugardag. Hér með er Knarrarberg yoga og spa opið og allt í fullu fjöri.
Þið getið núna tekið þátt í yoga, dansnámskeiðum, nýtt ykkur meðferðir og einnig er opið í vellíðansvæðinu. Nánari upplýsingar varðandi opnunartíma og verðlista má finna á www.yogaspa.is.
Á vellíðansvæðinu er stór heitur pottur, finnskt sauna og hvíldarsalur. Aðgangseyrir að því er kr. 2.500-
Til að stuðla að heilbrigði og styrkja ónæmiskerfið er ráðlagt að fara 3 sinnum í sauna og kalda sturtu á eftir. Mikilvægt er að hvíla sig vel á eftir í okkar þægilegu slökunarbekkjum. Svona endurnýjun tekur 2 til 3 klukkustundir.
Velkomin
Opinn fyrirlestur á Melgerðismelum um tannheilbrigði íslenskra hrossa
Sonja Lindal Þórisdóttir frá Lækjamóti, dýralæknir, reiðkennari og tamningamaður mun vera með erindi um tannheilbrigði íslenskra hrossa í Funaborg, félagsheimili hestamannafélagsins Funa á Melgerðismelum, föstudaginn 12. febrúar
kl. 20. Efni fyrirlestrarins var viðfangsefni í lokaverkefni Sonju í dýralæknanáminu og spannar hennar starfsvið að stórum hluta í dag. Mikil umræða hefur verið um tannheilbrigði, tannröspun og munnáverka á síðustu árum og hvetjum við alla áhugasama til að mæta og kynna sér málið frá hlið dýralæknis, tamningamanns og reiðkennara. Aðgangseyrir er 500 kr.- Allir velkomnir
Fræðslunefnd Funa - www.funamenn.is
Lamb Inn
Föstudaginn 12. febrúar verður opið hjá okkur frá kl. 18 – 20. Verðum með lambalærið okkar í boði ásamt bleikju í aðalrétt.
Borðapantanir þurfa að berast fyrirfram í síma 463-1500 eða á netfanginu lambinn@lambinn.is
Aðalfundur
Kvenfélagið Hjálpin heldur aðalfund sinn í Sólgarði föstudaginn 12. febrúar
kl. 20. Á dagskrá verða venjuleg aðalfundarstörf og að sjálfsögðu glæsilegar veitingar í boði hóps 3. Konur sem langar að taka þátt í skemmtilegum og gefandi félagsskap eru hvattar til að mæta og kynna sér starfsemina.
Sjáumst sem flestar.
Stjórnin
Frá Félagi aldraðra í Eyjafirði
Aðalfundurinn er næsta laugardag kl. 13.30 í Félagsborg.
Mætum sem flest og eigum góða stund saman.
Stjórnin
Öskudagskveðjur
Þökkum öllum flottu öskudagsliðunum kærlega fyrir heimsóknina til okkar á öskudaginn.
Hlökkum til að sjá sem flesta að ári liðnu.
Sindri og Hiddi / B.Hreiðarsson ehf.
