Fundur sveitarstjórnar Eyjafjarðarsveitar
Fundur sveitarstjórnar verður haldinn föstudaginn 11. desember kl.16.00 í
fundarstofu 2, Skólatröð 9.
Aðalfundarboð Veiðifélags Eyjafjarðarár
Stjórn Veiðifélags Eyjafjarðarár starfar í samræmi við lög nr. 61/2006 um lax- og silungsveiði og á grundvelli samþykkta félagsins. Í 9 gr. samþykkta félagsins er kveðið á um hvaða mál skuli taka fyrir á aðalfundi:
1. Skýrsla stjórnar fyrir reikningsárið 1.10.2014 – 30.9.2015
2. Endurskoðaðir reikningar félagsins fyrir reikningsárið 1.10.2014 – 30.9.2015
3. Rekstaráætlun fyrir næsta rekstarár
4. Kosning stjórnar og skoðunarmanna
5. Önnur mál
Í samræmi við hlutverk okkar sem stjórnar Veiðifélags Eyjafjarðarár, samanber ofanritað, þá boðum við til aðalfundar í Veiðifélagi Eyjafjarðarár á veitingastaðnum Silvu að Syðra-Laugarlandi efra 10. desember 2015 klukkan 20:00.
Stjórn Veiðifélags Eyjafjarðarár
Bændur og búalið og jafnvel fleiri
Jólaboð Lamb Inn laugardaginn 5. desember er tileinkað bændum og búaliði í sinni víðustu merkingu. Stjórn Landssambands sauðfjárbænda verður á ferðinni þessa helgi og ætlar að sitja jólaboðið á laugardaginn. Við bjóðum íbúum Eyjafjarðarsveitar sem með réttu eða röngu geta talið sig til sauðfjárbænda, 15% afslátt af miðaverði.
Minnum svo á opna fjölskyldu jólaboðið okkar laugardaginn 12. desember.
Lamb Inn Öngulsstöðum
Opið hús og upplestur úr nýjum bókum á Silvu
Miðvikudaginn 9. desember verður opið hús á Silvu Syðra- Laugalandi efra frá kl. 20.00 - 22.00. Á staðnum verður markaðsstemning og klukkan 21:00 hefst upplestur úr nokkrum nýútgefnum bókum. Heitir drykkir í boði hússins og léttar veitingar til sölu.
Allir velkomnir á meðan húsrúm leyfir
Frá Félagi aldraðra í Eyjafirði
Síðasta þriðjudagssamveran fyrir jól er 8. desember.
Hittumst á nýju ári þann 12. janúar.
Með jóla- og nýjárskveðju,
stjórnin
Bókasafn Eyjafjarðarsveitar
Bókasafnið fer í jólafrí föstudaginn 18. desember. Þangað til er opið eins og venjulega:
Mánudag kl. 10:30-12:30 og 13:00-16:00
Þriðjudag til fimmtudag kl. 10:30-12:30 og 16:00-19:00
Föstudag kl. 10:30-12:30
Á milli jóla og nýjárs verður opið þriðjudaginn 29. desember frá kl. 16:00-19:00.
Safnið opnar aftur eftir áramót mánudaginn 4. janúar.
Jólakveðjur frá bókasafninu,
bókavörður
