Syðri-Varðgjá, Eyjafjarðarsveit, deiliskipulag
í samræmi við ákvörðun sveitarstjórnar Eyjafjarðarsveitar, 12 júní 2012, er hér með auglýst tillaga að deiliskipulagi
verslunar- og þjónustusvæðis Vþ 5a að Syðri-Varðgjá, skv. 41. gr. skipulagslaga nr. 123/2010.
Tillagan er um að á svæðinu megi byggja gistihús og eina íbúð. Tillagan er kynnt á heimasíðu Eyjafjarðarsveitar http://www.eyjafjardarsveit.is/ og mun einnig liggja frammi á skrifstofu Eyjafjarðarsveitar, Skólatröð 9 frá
15. júní til 27. júlí 2012.
Hverjum þeim aðila sem telur sig eiga hagsmuna að gæta er gefinn kostur á að gera athugasemdir við tillöguna. Frestur til að gera athugasemdir er til og
með 27. júlí 2012. Athugasemdir skulu vera skriflegar og berast skrifstofu Eyjafjarðarsveitar.
Sveitarstjóri Eyjafjarðarsveitar
úðun á skógarkerfli
Vegna skipulegrar notkunar á illgresiseyðinum Clinic við að eyða skógarkerfli í Eyjafjarðarsveit hafa menn lýst yfir áhyggjum af hugsanlegum
mengunaráhrifum og aukaverkunum af eyðinum. því þótti rétt að taka saman umfjöllun, byggða á innlendum og erlendum heimildum, um
áhrif efnisins á vistkerfi. Umfjöllunina má finna á vef sveitafélagsins http://www.eyjafjardarsveit.is undir flipanum þjónusta - Umhverfismál.
Landeigendur eru hvattir til að kynna sér málið.
Umhverfisnefnd og Landbúnaðar- og atvinnumálanefnd
Kvennahlaup – Fjölskyldudagur
Kvennahlaup íSí verður laugardaginn 16. júní. Hlaupið verður eins og venjulega frá Hrafnagilsskóla kl. 11:00, upphitun hefst kl. 10:45.
Vegalengdir verða 2,5 og 5 km. þátttökugjald (bolur og medalía) er 1.250 kr. Erum ekki með posa. Hægt er að fá bolinn afhentan fyrirfram (Sirra
899-1840). Bolurinn í ár er rauður úr „dry-fit“ efni. Eftir kvennahlaupið er áætlað að grilla og kemur hver með sitt á
grillið.
þennan dag ætlum við einnig að hafa fjölskyldudag, þar sem fjölskyldur og/eða vinir keppa saman sem lið í hinum ýmsu óhefðbundnu
greinum s.s. hjólbörukapphlaupi, skeifukasti, stígvélakasti, eggjakasti ofl. Gaman væri ef liðin hefðu sinn ,,einkennisbúning”.
Keppnin hefst eftir grill eða um kl. 13:00. Skráning fer fram meðan á grillinu stendur. Eins og venjulega verða hestar og kassaklifur. Frítt í sund fyrir alla
milli kl. 11:00 og 16:00. Takið daginn frá, vonumst til að sjá sem flesta.
Ath. Tökum á móti brjóstahöldurum og/eða öðrum undirfötum sem konur geta séð af, fyrir söfnunarátak Rauða krossins.
íþrótta- og tómstundanefnd
Smámunasafnið - Búvélasýning
Búvélasýning verður helgina 23. og 24. júní kl. 13:00 til 17:00 á túninu við Sólgarð. Búvélasafnarar við
Eyjafjörð ætla að sýna vélar og rifja upp gamla daga í búskap. Grillarinn grillar pylsur sem seldar verða til styrktar félagsskapnum við
björgun á gömlum vélum sem víða standa útí móa og ryðga niður í svörðinn. Verið velkomin að heimsækja
okkur og rifja upp gamla daga.
Smámunasafnið er opið alla daga milli kl. 13:00-18:00. Eyfirskt handverk úr hornum & beinum, gamalt dót, kaffi, vöfflur og ís.
Kveðja, Safnarar og Smámunasafnið
Frá skjólbeltasjóði Kristjáns Jónssonar
íbúar í gamla öngulsstaðarhreppi sem hafa nú þegar ræktað skjólbelti í sumar eða hyggjast gera það, geta sótt
um styrk úr sjóðnum þegar þeir hafa lokið verkinu. Umsóknir sendist til formanns sjóðsins Benjamíns Baldurssonar, Ytri-Tjörnum,
ásamt upplýsingum um lengd og breidd skjólbeltisins. Umsóknina má senda í tölvupósti á tjarnir@simnet.is
Stjórnin
Fjárhundanámskeið
Til stendur að halda fjárhundanámskeið hér í sveitinni fyrir haustið ef næg þátttaka fæst. Leiðbeinandi verður Gunnar á
Daðastöðum. Námskeiðið verður öðru hvoru megin við handverkshátíð. Til að af námskeiðinu verði þarf
lágmark 8 manns og ekki fleiri en 11. því er um að gera að láta vita af sér tímanlega ef menn vilja ekki missa af þessu hjá Hákoni
í síma 896-9466
Kaffi Kú
Nú verða breyttir tímar í skemmtanalífi sveitarinnar .........
........... það er opið alla daga vikunnar.
Höldum áfram að vera með fróðlega menningarviðburði og um þessar mundir er tilvalið að koma saman á barnum og fylgjast með
boltanum.
Opnunartímar í sumar eru:
Sunnudag - fimmtudag kl. 14-18
Föstudag - laugardag kl. 14-01
Kaffiku.is
